በፕሪምየር ሊጉ በቀጣዩ ዓመት የስፓርታዊ ጨዋነት ችግርን ለመቅረፍ ይሰራል-አቶ ኢሳያስ ጅራ

በኢትዮጵያ ፕሪምየር ሊግ በዘንድሮው የውድድር ዓመት የተስተዋለውን የስፓርታዊ ጨዋነት ችግር በቀጣዩ ዓመት ለመቅረፍ እንደሚሰራ የኢትዮጵያ እግር ኳስ ፌዴሬሽን ፕሬዚዳንት አቶ ኢሳያስ ጅራ አስታወቁ።

ፕሬዚዳንቱ ፕሪምየር ሊጉ መጠናቀቁን ተከትሎ ከፋና ብሮድካስቲንግ ኮርፖሬት ጋር ባደረጉት ቆይታ፥ በአዲስ አበባ ስታድየም ቅዱስ ጊዮርጊስ ከሀዋሳ በተገናኙበት 30ኛው ሳምንት የተከሰተው የስነ- ምግባርና የስፖርታዊ ጨዋነት ጉድለት እንዳሳዘናቸው ገልፀዋል።

ቅዱስ ጊዮርጊስ ከሀዋሳ ከተማ ያደረጉት ጨዋታ ጥሩ ፉክክር የታየበት ቢሆንም ምክንያቱ ባልታወቀ ሁኔታና ከስፖርታዊ ጨዋነት ውጭ የተለያዩ ቁሳቁሶች ሜዳ ላይ በተገኙበት ወቅት እንደተወረወረባቸው ተናግረዋል።

ፕሬዚዳንቱ፥ የአዲስ አበባ ስታድየም ሜዳ አስቸጋሪ የነበረ ቢሆንም ሜዳ ላይ የነበረው የጨዋታ እንቅስቃሴ ጥሩ እንደነበረና የዳኝነት ችግር ያልተስተዋለበት መሆኑን በመግለፅ፥ አዲሱ የእግር ኳስ ፌዴሬሽኑ አመራርም ችግሮችን ለመቅረፍ በትኩረት ይሰራል ብለዋል።

አሁን ያለው አዲስ አመራር እንደሆነ እና ችግሮች ከዚህ በፊት በነበሩት ምክንያቶች እንደተከሰቱ የዚህ አይነት ሁኔታ መደገም እንደሌለበት አሳስበዋል።
የዘንድሮ የኢትዮጵያ ፕሪምየር ሊግ ከፍተኛ ፉክክርና የነጥብ መቀራረብ የነበረበት መሆኑንም ጠቁመዋል።

ኤፍ.ቢ.ሲ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram