በፓኪስታን በከፍተኛ ሙቀት ምክንያት የ65 ሰዎች ህይወት አለፈ

በደቡብ ፓኪስታን በምትገኘው ካቺሪ ከተማ በከፍተኛ ሙቀት ሳቢያ የ65 ሰዎች ህይወት ማለፉን በአካባቢው የሚንቀሳቀሱ ግብረ ሰናይ ድርጅቶች አስታውቀዋል።

የበርካታ ሰዎችን ህይወት የቀጠፈው የሙቀት መጠንም 44 ዲግሪ ሴልሺየስ መሆኑ ታውቋል።

የሰዎቹ ህይወት ያለፈው ባለፉት ሶስት ቀናት በአካባቢው በተከሰተ ከፍተኛ ሙቀት ሲሆን፥ የአየር ሁኔታው በዚህ ከቀጠለ የሟቾቹ ቁጥር ከዚህም ሊያሻቅብ እንደሚችል ተሰግቷል።

እንደ ግብረ ሰናይ ድርጅቶቹ ገለፃ፥ በካቺሪ አካባቢ ያጋጠመው ከፍተኛ ሙቀት የኤሌክትሪክ ሀይል መቆራረጥንም አስከትሏል።

ከዚህም በዘለለ የሰዎችን ህይወት እየቀጠፈ መሆኑን የገለጹ ሲሆን፥ ህይወታቸው ያለፉት 65 ሰዎችም በከተማዋ ዝቅተኛ የኑሮ ደረጃ ላይ የሚገኙ ናቸው።

በጉዳዩ ዙሪያ ማብራሪያ የተጠየቁት የፓኪስታን መንግስት ቃል አቀባይ አስተያየት ከመስጠት ተቆጥበዋል።

ከዚህ ቀደም እንደ አውሮፓውያኑ አቆጣጠር በ2015 በፓኪስታን ተከስቶ በነበረው ከፍተኛ ሙቀት ሳቢያ የ1 ሺህ 300 ሰዎች ህይወት ማለፉ አይዘነጋም።

ምንጭ፦ www.reuters.com

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram