በጣሊያን ፕሬዚዳንቱ የመተማመኛ ድምፅ እንዲሰጥባቸው መጠየቁን ተከትሎ የሀገሪቱን ፖለቲካ የባሰ ቀውስ ውስጥ ገብቷል

የጣሊያን ፕሬዚዳንት ሰርጊዮ ማታሬላ የፋይናንስ ሚኒሰትር ሹመትን ውድቅ ማድረጋቸውን ተከትሎ የመተማመኛ ድምፅ እንዲሰጥባቸው ፓርቲዎች እየጠየቁ ነው።

በሀገሪቱ በተካሄደው አጠቃላይ ምርጫ መንግስት ለመመስረት የሚያስችል መቀመጫ ያገኘ ፓርቲ ባለመኖሩ ጥምር መንግስት ለመመስረት ድርድር ሲደረግ ቆይቷል።

“ፋይቭ ስታር” የተባለው በርከት ያለ መቀመጫ በፓርላማ ያገኘ ፓርቲ አምሳያው ከሆነ ከሌላ ቀኝ ዘመም ፓርቲ ጋር ጥምር መንግስት ለመመስረት ስምምነት ደርሶ ካቢኔ ወደማዋቀር ቢገባም፥ ያቀረበውን የፋይናንስ ሚኒስትር የሀገሪቱ ፕሬዚዳንት ውድቅ አድርገውታል።

በጣሊያን የሀገሪቱ ፕሬዚዳንት የሚኒስትር ሹመትን ውድቅ የማድረግ ስልጣን ቢኖረውም ብዙም ተግባር ላይ ሲውል አይታይም።

የአሁኑ ፕሬዚዳንት የፋይናንስ ሚኒስትር ሆነው የቀረቡት ሰው ከባለሀብቶች ዘንድ ቅሬታ የሚነሳባቸው ነው በሚል ሹመቱን ውድቅ አድርገዋል።

ይህንንም ተከትሎ ፓርቲዎቹ በፕሬዚዳንቱ ላይ የመተማመኛ ድምፅ እንዲሰጥ እየጠየቁ ይገኛሉ።

ፕሬዚዳንት ማታሬላ ግን በሀገሪቱ የተከሰተውን የፖለቲካ ቀውስ ለማብቃት በድጋሚ እስከሚጠራው ምርጫ ድረስ የሚያገለግል የባለአደራ መንግስት እንዲመሰርቱ የዓለም አቀፉ የገንዘብ ተቋም /አይ ኤም ኤፍ/ የቀድሞ ዋና ዳይሬክተር የነበሩትን ካርሎ ኮታሬሊን ጠርተው ያናግራሉ ተብሎ እየተጠበቀ ነው።

 

ምንጭ፦ ቢቢሲ

Share your thoughts on this post