በግብፅ ካይሮ ዓለም አቀፍ አውሮፕላን ማረፊያ አቅራቢያ በደረሰ ፍንዳታ 12 ሰዎች ተጎዱ

በግብፅ ካይሮ ዓለም አቀፍ አውሮፕላን ማረፊያ አቅራቢያ በደረሰ የፍንዳታ አደጋ 12 ሰዎች ላይ የተለያየ መጠን ያለው ጉዳት መድረሱ ተገለ።

አደጋው የደረሰው በአውሮፕላን ማረፊያው አቅራቢያ በሚገኝ የኬሚካል ፋብሪካ ላይ መሆኑንም የግብፅ የዜና አገልግሎት ኤጀንሲ አስታውቋል።

የግብፅ ጦር ቃል አቀባይ አደጋውን አስመልክቶ በሰጡት መግለጫ፥ ፍንዳታው የተከሰተው በፋብሪካው የነዳጅ ማከማቻ ውስጥ በተፈጠረ ከፍተኛ ሙቀት ነው።

የግብፅ አቪዬሽን ሚኒስትር ዮኒስ ማስሪ በበኩላቸው ከፍንዳታው ጋር በተያያዘ ከካይሮ አውሮፕላን ማረፊያ የሚነሱ የአውሮፕላን በረራዎች ላይ የተፈጠረ መጉላላት እንደሌለ አረጋግጠዋል።

የአይን እማኞች እንደተናገሩት ከሆነ በፍንዳታው ወቅት ከፍተኛ ድምጽ መሰማሩን እና ከፍንዳታው በኋላ የተፈጠረው እሳት ነበልባል ከርቀት ይታይ እንደነበረ ተናግረዋል።

በማህበራዊ ትስስር ድረ ገጾች ላይ የተለቀቁ ምስሎም ከፍንዳታው ስፍራ ከፍተኛ እሳተ ነበልባል ሲወጣ ያሳያሉ።

ከፍንዳታው በኋላ የእሳት አደጋ በፍጥነት ወደ ስፍራው በመሄድ እሳቱን መቆጣጠራቸውን የግብጽ የቴሌቪዥን ጣቢያ ባወጣው ዘገባ አስታውቋል።

ምንጭ፦ ቢቢሲ

Share your thoughts on this post