በግብርና የአጭር መልዕክት ማስተላለፊያ አገልግሎት ከ3.5ሚሊዮን የሚልቁ ሰዎች ተጠቃሚዎች ሆነዋል፦ ኤጀንሲ

በግብርና ስራዎች ለአርሶ አደሮች ጠቃሚ መረጃዎች ለመስጠት ባስቻለው የሞባይል ስልክ አጭር የጽሑፍና የድምጽ መልዕክት ከ3.5 ሚሊዮን የሚልቁ ሰዎች ተጠቃሚ እንደሆኑ የግብርና ትራንስፎርሜሽን ኤጀንሲ አስታወቀ፡፡
ኤጀንሲ በ8028 የአርሶ አደሮች አጭር የጽሑፍና የድምጽ መልዕክት አገልግሎት ተጠቃሚዎችና ባለድርሻ አካላትን ነገ እውቅና ሊሰጥ ነው፡፡
የእውቅና ስነስርዓቱም በአዲስ አበባ ሚሊኒዮም አዳራሽ በ2ኛው አለም አቀፍ የአይሲቲ ኤክስፖ ላይ እንደሚካሄድ ተነግሯል፡፡
8028 አጭር መልዕክት ማሳተላለፊያ በግብርና ስራዎች ለአርሶ አደሮች ጠቃሚ መልዕክት በሞባይል ለማስተላለፍ የሚረዳ አሰራር ነው፡፡
በተለይ በግብርናው ስልጠናዎችና መረጃዎች ለማያገኙ አርሶ አደሮች ይህን አጭር መልዕክት ማሳተላለፊያ ዘዴ ዓይነተኛ ጠቀሜታ እንዳለው ይነገራል፡፡
የአጭር መልዕክት አገልግሎቱ በግብርና ስራዎች መልካም ተሞክሮች ለማስፋፋት ብሎም በዘርፉ የተለያዮ በሽታዎችና የተባይ አደጋ ሲከሰት ለአርሶ አደሩ መረጃዎችን ለማስተላለፍ ይረዳልም ተብሏል፡፡


ምንጭ፦ የግብርና ትራንስፎርሜሽን ኤጀንሲ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram