በዓለማችን ለሴቶች ተስማሚ ያልሆኑ ሀገራት

አሁን ላይ ለሴቶች ተስማሚ ያለሆኑ የዓለም ሀገራት ይፋ ሆነዋል።

ሀገራቱ ለሴቶች ተስማሚ ያለመሆናቸው የተለየው ቶምሶን ሬውተርስ ፋውንዴሽ 550 ዓለም አቀፍ ባለሙያዎች በማሳተፍ ከፈረንጆቹ መጋቢት 26 እስከ ግንቦት 24 በተለያዩ የሴቶች ጉዳዮች ላይ በሰራው የደሰሳ ጥናት ነው ተብሏል።

የጥናቱ የትኩረት ነጥብ በሴቶች ላይ የሚጸሙ ጥቃቶች፣ የኢኮኖሚ ሁኔታ፣ ጤና፣ የሴቶችን ሚና ሊገቱ የሚችሉ ልማዳዊ ድርጊቶችን መሰረት ያደረጉ መሆናቸውም ታውቋል።

በዚህም ህንድ በምድብ አንድ ደረጃ ላይ የተመደበች ሲሆን፥ አፍጋኒስታን፣ ሶሪያ፣ ሶማሊያና ሳዑዲ ዓረቢያ በምድብ ሁለት እና አሜሪካና ሶሪያ በሶስተኛ ምድብ ላይ መቀመጣቸው ነው የተገለጸው።

በህንድ ባለፉት 10 ዓመታት በሴቶች ላይ ፆታዊ ጥቃት በሰፊው የተፈጸመ ሲሆን፥ የሴቶች ሚና ላይ ተጽህኖ የሚያሳደሩ ልማዳዊ ድርጊቶችና ለህገ ወጥ ዝውውር፣ ጉልበት ብዝበዛና ወሲብ ንግድ የሚያጋልጡ ተደራራቢ የሴቶች ችግሮች መኖራቸው በዘገባው ተመላክቷል።

በፈረንጆቹ 2012 በህንድ ኒውደልሂ የ23 ዓመቷን ወጣት ሴት በአስገድዶ መደፈር ህይወቷ ማለፉንና ከዚያ ወዲህም በተመሳሳይ መልኩ የ8 ዓመት ህፃን ላይ የአስገድዶ መድፈር ወንጀል በመከሰቱ በሀገሪቱ ጃሙና ካሽሚር ግዛት ባሳለፍነው ሚያዚያ ወር ህዝባዊ አመጽ ተቀስቅሶ የነበረ መሆኑን ዘገባው አስታውሷል።

በሁለተኛ ምድብ ላይ የተቀመጡት አፍጋኒስታን፣ ሶሪያ፣ ሶማሊያ፣ ሳዑዲ ዓረቢያ በዓለም አቀፍ ደረጃ ለሴቶች ምቹ ባለመሆን በቅደም ተከተል በ2ኛ፣ 3ኛ፣ 4ኛ እና 5ኛ ደረጃ ላይ ተቀምጠዋል።

ዴሞክራቲክ ሪፓፕልክ ኮንጎ በ7ኛ ደረጃና ናይጀሪያ 9ኛ ደረጃ ላይ መቀመጣቸውም ነው የተገለጸው።

በሶስተኛ ምድብ ላይ አሜሪካና ሶሪያ የሚገኙ ሲሆን፥ አሁን ላይ በአሜሪካ የሴቶች የፆታ ጥቃት እየተስፋፋ በመምጣቱ ከየምዕራባዊያን ሀገራት ለሴቶች ተስማሚ ባለመሆን 10ኛ ደረጃ ላይ መቀመጧን ዘገባው ያስረዳል።

በአሜሪካ በየ 98 ሰከንዱ የጾታ ጥቃት እንደሚፈጸምና 90 በመቶ ያህሉ አዋቂ ሴቶች የፆታ ጥቃት ሰለባ መሆናቸውም ነው የተገለጸው።
በፈረንጆቹ 2012 አይኤስ አይኤስ በሺዎች የሚቆጠሩ የዛዲ እና የሶሪያ ሴቶችን ለወሲብ ባርነት መዳረጉንም በዘገባው ተገልጿል።

ምንጭ፦ huffingtonpost.com
በእንቻለው ታደሰ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram