በኮምቦልቻ ከተማ በሚገኝ አንድ የበርበሬ መጋዝን ላይ በተከሰተ የኤሌክትሪክ መሳሳብ ድንገተኛ የእሳት ቃጠሎ ደረሰበት፡፡ “ቃጠሎው በቁጥጥር ስር ውሏል” – ከንቲባ ደነቀ ምትኩ

ህዝቡ መትረፍ የሚችሉትን በማመላለስ አደጋውን ስለተቆጣጠረው ወደ ሌላ ቦታ ሳይዛመት በቁጥጥር ስር መዋሉን ነው ያረጋገጡት፡፡

ከንቲባ ደነቀ እንዳሉት የእሳት ቃጠሎው ምክንያት በአካባቢው በተከሰተ ኤሌክትሪክ መሳሳብ ነው፡፡

አደጋው የተከሰተው ከአቅማቸው በላይ መሸከም ባልቻሉ ትራንስፈርመሮች በአካባቢው የኤሌክትሪክ መሳሳብ ስላለ፣አቅማቸው ከሚችለው በላይ ሰዎች ከትራንስፈርመሮች ሀይል መሳብ ባይችሉ ይመረጣል፡፡እንዲሁም ተቀጣጣይ ነገሮችን በማስወገድ ድንገተኛ የእሳት ቃጠሎን መከላከል እንዲቻል ጥንቃቄ ማድረግ ያስፈልጋል ብለዋል፡፡

የእሳት አደጋው በደረሰበት ጊዜ የሰው እንቅስቃሴ በአካባቢው ስላልነበር በሰው ላይ ምንም አይነት ጉዳት አልደረሰም ሲሉ ገልጸዋል ፡፡

የአካባቢው ህብረተሰብ እና ቃጠሎውን ለማጥፋት የተሳተፉትን ድርጅቶች ሁሉንም አመስግነዋል፡፡