በካናዳ በተደረገ የማራቶን ውድድር በሁለቱም ፆታ ኢትዮጲያውያን አሸነፉ

በካናዳ ኦታዋ በተደረገ የማራቶን ውድድር በሴቶችም በወንዶችም ኢትዮጵያውያን አሸነፉ፡፡

በሴቶች በተደረገው የማራቶን ውድድር ገለቴ ቡርቃ 2፡27፡17 በመግባት የቦታውን ሪከርድ ያሻሻለች ሲሆን፥ እሷን በመከተል ህይወት ገብረኪዳን ሁለተኛ በመሆን አጠናቃለች፡፡

የ32 ዓመቷ ገለቴ በማሸነፏ 40 ሺህ የካናዳ ዶላር ስታገኝ፥ እንዲሁም የካናዳን ሪከርድ በመስበሯ ደግሞ ተጨማሪ 10 ሺህ ዶላር ተሸልማለች፡፡

በወንዶች በተደረገው የማራቶን ውድድር የ33 ዓመቱ የማነ ፀጋዬ 2:08:52 በመግባት አሸንፏል፡፡

በውድድሩ ወቅት ሁለቱም አትሌቶች የተሰማቸውን ህመም ተቋቁመው ማሸነፋቸውን ገልጸዋል፡፡

በዚህ ውድድር ላይ ሯጮችን ጨምሮ ከ200 ሺህ በላይ ሰው እንደተሳተፈበት አዘጋጆቹ አስታውቀዋል፡፡

 

Share your thoughts on this post