በኤርትራው የውጭ ጉዳይ ሚንስትር ኦስማን ሳሊህ የተመራው ልዑካን ቡድን በአዲስ አበባ ቆይታቸው የሐዋሳ ኢንዱትሪ ፓርክን ጎበኙ

በጉብኝታቸው የሐዋሳ ኢንዱስተሪ ፓርክ አጠቃላይ ገጽታ እና በውስጡ የያዛቸው ኢንዱስትሪዎችን እንዲሁም ስለአንድ መስኮት አገልግሎት ገለጻ ተደርጎላቸዋል፡፡

በፓርኩ ውስጥ ከሚገኙ አምራች ኢንዱስትሪዎች ውስጥም የጨርቃ ጨርቅ ፋብሪካን የስራ ሂደት ተዘዋውረው ተመልክተዋል፡፡

የሐዋሳ ኢንዱስትሪ ፓርክ የፋብሪካዎች ፍሳሽን ለማከም የሚደረገውን የቴክኖሎጂ ስራም ልዑካን ቡድኑ ተመልክተዋል፡፡

በጉብኝቱ ላይ የኢትዮጵያ የውጭ ጉዳይ ሚንስትሩ ዶክተር ወርቅነህ ገበየሁ የኤርትራ ልኡካን ወደ ኢትዮጵያ መምጣም ሆነ የሐዋሳ ኢንዱስትሪ ፓርክ ጉብኝት በሁለቱ ሐገራት መካከል የነበረውን ቅራኔ ለመፍታት እንደጅምር የሚታይ ነው ብለዋል፡፡

የኢትዮጵያ መንግስት ከኤርትራ ጋር ያለውን ግንኙነት ሰላማዊ ለማድረግን የህዝቦች መስተጋብርን ለማጎልበት ያቀረበውን ጥሪ ተከትሎ ከኤርትራ በጎ ምላሽ ተገኝቷል፡፡

ይህም በመሆኑ የኢትዮጵያ መንግስት ለሰላም ያለውን ከፍተኛ ፍላጎት የኤርትራ ልዑካን ቡድን አዲስ አበባ ሲገቡ ጀምሮ በጠቅላይ ሚንስትር ዶክተር ዐቢይ አሕመድ አቀባበል ተደርጎላቸዋል፡፡

የኢፌዲሪ የውጭ ጉዳይ ሚንስትር ዶክተር ወርቅነህ አሁን የተጀመረው የሠላም ሂደት ለማጠናከርና የሐገራቱን ግንኙነት ለማሳደግም ከኤርትራ ልዑካን የኢትዮጵያ ጉብኝት ባለፈ የሐገራቱ መሪዎች ተገናኝተው ይመክራሉ ብለዋል፡፡

ሪፖርተር ጌቱ ላቀው – ኢቲቪ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram