በአይጦች ላይ በተደረገ ጥናት በስትሮክ የተጎዳ የአዕምሮ ጤናን ማሻሻል መቻሉን ተመራመሪዎች ገለጹ

ስትሮክ የአዕምሮ ውስጥ ደም መፍሰስ ወይንም ደም ለጭንቅላት ሴሎች እንዳይደርስ የማድረግ ችግረን የሚያስከትል ሲሆን፥ ይህንን ችግር ለመከላከል ካባድ ሆኖ የቆየ መሆኑ ተገልጿል።

የባዮ ኢንጂነሪግ ተመራመሪዎች ይፋ ያደረጉት በአይነቱ አዲስ እና የካሊፎርኒያ ዩንቨርሲቲ ግኝት የሆነው የጥናት ውጤት ግን ይህንን ችግር ለመቅረፍ ተስፋ የተጣለበት እንደሆነ ሳይንስዲያሊ ዶት ኮም በዘገባው አስፍሯል።

በካሊፎርኒያ ዩንቨርሲቲ የነርብ ጥናት መሪ የሆኑት ፕሮፌሰር ኤስ ቶማስ ካርሚቼል እና የኬሚካል እና ባዮ ሞሎኪውላር ኢንጂነሪነግ ፕሮፌሰር የሆኑት ታቲያና ሰጉራ በአይጦች ላይ ባደረጉት ጥናት በስትሮክ የተጎዱ የአይጦች የአዕምሮ ጤና ማሻሻል መቻሉን አረጋግጠዋል።

በዚህም በስትሮክ የተጠቁ አይጦች የአዕመሮ ሴሎች፣ ነርቮች እና የደም ስሮች ጤና መሻሻል መቻሉን ነው ተመራማሪዎቹ ያስረዱት።

በአዲሱ ጥናት በስትሮክ የተጠቃ እና ጉዳት የደረሰበት የአይጦችን የጭንቅላት ጤና ለማሻሻል መቻሉን ፕሮፌሰር ኤስ ቶማስ ካርሚቼል ተናግረዋል።

ግኝቱ በተመሳሳይ መልኩ በሰዎች ላይ ለሚደርስን የጤና ችግር መፍትሄ ለመስጠት እንደሚያስችልም የኬሚካል እና ባዮ ሞሎኪዌላር ኢንጂነሪነግ ፕሮፌሰር የሆኑት ታቲያና ሰጉራ ገልጸዋል።

አዕምሮ በስትሮክም ይሁን ሌላ በሽታዎች አንዴ ከጠቃ እንደ ሌሎች የሰውነት ክፍሎች ችግሮችን ለማስተካከል አስቸጋሪ ሆኖ የቆየ መሆኑንም ዘገባው ያስረዳል።

ለዚህም በአዕምሮ ውስጥ የተወሳሰቡ ጥቃቅን የነርብ እና የደም ስሮች ኔት ወርክ መኖራቸው በቀላሉ እንደሌሎች የሰውነት ክፍሎች መፍትሄ ለመስጠት አስቸጋሪ እንዳደረገው ነው የተገለጸው።

ይሁን እንጂ አይጦች በስትሮክ እንዲጠቁ በማድረግ ተመራመሪዎቹ ባደረጉት ጥናት የአዕምሮ ሴሎች እና የደም ስሮችን ጤና እደገና መመለስ መቻሉን ነው ያረጋገጡት።

በዚህም አይጦች የስትሮክ አደጋ ከደረሰባቸው ከ16 ሳመንት በኋላ የአዳዲስ ሴሎች መተካት እንደቻሉ እና የጭንቅላት ጤናቸው መሻሻል አሳይቷል ነው የተባለው።

አዲሱ ጥናት በስትሮክ የተጠቁ ሰዎችን ጤና ለማሻሻል የሚያስችል እንደሆነም ነው በዘገባው የተገለጸው።

 

ምንጭ፦sciencedaily.com

Share your thoughts on this post