fbpx

በአራት ከተሞች የተከናወኑ የንጹህ መጠጥ ውሃ የማስፋፊያ ፕሮጀክቶች ሙከራ ጀመሩ

በአራት ከተሞች የተከናወኑ የንጹህ መጠጥ ውሃ የማስፋፊያ ፕሮጀክቶች የማሰራጫ መስመር ፍተሻ ሙከራ ጀመሩ።

የውሃ መስኖና ኤሌክትሪክ ሚኒስቴር እንዳለው በቦንጋ፣ ደንቢዶሎ፣ ፍቼና ሃዋሳ ከተሞች የተገነቡ የንጹህ መጠጥ ውሃ ማስፋፊያ ፕሮጀክቶች የማሰራጫ መስመር ፍተሻ ሙከራ ጀምረዋል።

በሚኒስቴሩ የመጠጥ ውሃና ሳኒቴሽን ዘርፍ ሚኒስትር ዲኤታ ዶክተር ነጋሽ ወጌሾ የማስፋፊያ ፕሮጀክቶቹ፥ አስፈላጊው ስራ ተጠናቆላቸው የሙከራ ስርጭት መጀመራቸውን ተናግረዋል።

የነዋሪዎቹን የንጹህ መጠጥ ውሃ ፍላጎት ያሟላሉ የተባሉት ማስፋፊያ ፕሮጀክቶቹ፥ ኤሌክትሮ መካኒካል ተከላ፣ ማጣሪያ ፕላንት እና መስመር ዝርጋታቸው መጠናቀቁንም ነው የተናገሩት።

ፕሮጀክቶቹ ከአለም ባንክ በተገኘ ብድርና በኢትየጵያ መንግስት በተበጀተ ገንዘብ የተከናወኑ መሆናቸውንም ገልጸዋል።

እንደ ዶክተር ነጋሽ ገለጻ ለአንድ ፕሮጀክት ከ20 ሚሊየን ብር በላይ ወጪ ተደርጓል።

የንጹህ ውሃ ፕሮጀክቶቹ ሙከራቸውን አጠናቀው በ2011 ዓ.ም መጀመሪያ ወደ ተግባር ይገባሉ ተብሎም ይጠበቃል።

 

በታሪክ አዱኛ

Share your thoughts on this post
%d bloggers like this:
Visit Us On TwitterVisit Us On YoutubeVisit Us On Instagram