በአሜሪካ ታዳጊዎች ከፌስቡክ ይልቅ ዩትዩብን እያስቀደሙ ነው ተባለ – ጥናት

በዩናይትድ ስቴትስ በተሰራ አዲስ ጥናት ታዲጊዎች ከፌስቡክ ይልቅ ዩትዩብ፣ ኢንስታግራም እና ስናፕ ቻት ወደመጠቀም እያዘነበሉ ነው ተባለ፡፡

ጥናቱ እንዳመለከተው ከሆነ ከ2015 ጀምሮ ቁጥሩ እየቀነሰ በመውረድ አሁን ላይ የተጠቃሚው ቁጥር ወደ 51 በመቶ አሽቆልቁሏል፡፡

በጥናቱ የተካተቱት ታዳጊዎች ዕድሜያቸው ከ13 እስከ 17 ዓመት የሚደርስ ሲሆን፥ አብዛኛዎቹ ስማርት ስልኮቻቸውን ነው የሚጠቀሙት ተብሏል፡፡

ለአንድ ወር በቆየው በዚህ ጥናት 750 ሺህ ታዳጊዎች መሳተፋቸውን ጥናቱን ያካሄደው ድርጅት አስታውቋል፡፡

85 በመቶ የሚሆኑት ታዳጊዎች ከፌስቡክ ይልቅ ዩትዩብን ተመራጭ አድርገዋል እንዲሁም ምስል መጋሪያ ሲስተሙን ወደውታል ነው የተባለው፡፡

ዩትዩብን በመከተል 72 በመቶዎቹ ኢንስታግራምን 69 በመቶዎቹ ደግሞ ስናፕቻትን እንደሚጠቀሙ በጥናቱ ይፋ ተደርጓል፡፡

እንዲሁም ከ2015 ጀምሮ ባለበት ነው የተባለው ትዊተር ዛሬም 32 በመቶ ታዳጊዎች ናቸው የሚጠቀሙት ተብሏል፡፡

በጥናቱ አነስተኛ ገቢ ያላቸው ታዳጊዎች ከፍተኛ ገቢ ካላቸው ይልቅ ምርጫቸው ወደ ፌስቡክ እንደሚያደላ ተጠቅሷል፡፡

ፌስቡክ በጎግል ኩባንያ ስር ለሚተዳደረው ዩትዩብ ቦታውን እየለቀቀ ቢሆንም በአንጻሩ በራሱ ኩባንያ ስር የሚተዳደረው ኢንስታግራም ደግሞ በሁለተኛነት እየተከተለ ነው ተብሏል፡፡

 

 

ምንጭ፦ ቢቢሲ
በአብርሃም ፈቀደ ወደ አማርኛ ተመለሰ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram