በአሜሪካና ኢራን መካከል የተነሳው ወቅታዊ ውዝግብ ለቶታል ነዳጅ ዘይት ኩባንያ አሳሳቢ ሆኗል

አሜሪካ በኢራን ላይ ለመጣል ያሰበችው ማዕቀብ እውን ከሆነ በኢራን የነዳጅ ኢንቨስትመንት ዘርፍ ላይ የተሰማራው የፈረንሳይ  ኩባንያ ቶታል ከዚሁ ማዕቀብ ነፃ ሊሆን የሚችለው ለሚቀጥሉት 60 ቀናት ብቻ መሆኑን የኢራን የነዳጅ ሚኒስተር ገልጸዋል።

በፈረንጆቹ ግንቦት 16 ፕሬዚዳንት ትራምፕ ኢራን የ2015 የኒውክሌር ስምምነት መጣሷን ከገለጹ በኋላ በሀገሪቱ ላይ አዲስ ማዕቀብ ይጣላል ተብሎ የሚጠበቅ ሲሆን፥ ከኢራን ጋር የንግድ ግንኙነት ያላቸው አለማዓቀፍ ባለሀብቶችንም ፕሬዚዳንቱ ማስጠንቀቃቸውን ዘገባው አስተውሷል።

በዚህም ማዕቀቡ በኢራን ላይ የሚጣል ከሆነ ቶታል ኩባንያ ከኢራን ይወጣል ተብሎ የሚጠበቅ ሲሆን፥ በምትኩ የቻና ብሄራዊ ነዳጅ ኮርፖሬሽን ሊገባ እንደሚችልም ነው የኢራን ነዳጅ ሚኒስትር ቢጃም ናማድር ዛንጋነህ የገለጹት።

ከዚህም ሌላ ሉክ የተባለው የሩሲያ የነዳጅ ዘይት ኩባንያም በዚሁ ዘርፍ ወደ ኢራን የመግባት ፍላጎት ያለው መሆኑ ነው የተገለጸው።

ቶታል የነዳጅ ዘይት ኩባንያ በኢራን የመቆየት እጣ ፈንታ ላይ ፈረንሳይ በሚቀጥሉት 60 ቀናት ከአሜሪካ ጋር የመምከር እድል ያላት መሆኑን የቴራን መገናኛ ብዙሃን መዘገባቸው ታውቋል።

ቶታል ነዳጅ ዘይት ኩባንያ በፈረንጆቹ ሀምሌ 2017 ከ2 ቢሊየን የአሜሪካን ዶላር በላይ የኢንቨስትመንት ስምምነት ከኢራን ጋር መፈራረሙንም ዘገባው አስተውሷል።

ከዚህም ሌላ ሲ.ኤን.ፒ.ሲ በተባለ ኩባንያ የ30 በመቶ እና ቀሪው በኢራንስ ፔትሮፓርስ የተያዘ ፕሮጀክት መኖሩን እና ይህ ፕሮጀክት ሲጠናቀቅ 56 ሚሊየን ኩቢክ ሜትር ነዳጅ በእየቀኑ ማምርት እንደሚችል ነው የተገለጸው።

በአሁኑ ሰዓት ኢራን በአውሮፓ ገብያ ላይ ማዋል የቻለችው አንደሶስተኛ ያህል የነዳጅ ምርቷን ብቻ ሲሆን፥ የአውሮፓ ሀገራት የመርከቦች የጉዞ ዋስትና ያላቸው መሆኑና ገዥዎችም በዚሁ ዋስትና ስለሚሳቡ ከአውሮፓ ጋር የሚኖረው የዘርፉ ገበያ ሌሎችንም የነዳጅ ገዥዎች ይስባል ተብሏል።

 

 

 

 

ምንጭ፥ aljazeera.com

የተተረጎመውና የተጫነው፥ በእንቻለው ታደሰ

Share your thoughts on this post