በአለም ዋንጫ ፈረንሳይ ስታሸንፍ አርጀንቲና አቻ ተለያየች

ዛሬ በተካሄደው የሩሲያው የአለም ዋንጫ በምድብ ሶስት ፈረንሳይ አውስትራሊያን ስታሸንፍ አርጀንቲና ባልተጠበቀ ሁኔታ ከአይስላንድ ጋር አቻ ተለይታለች።

ፈረንሳይን አሸናፊ ያደረጉትን ግቦች አንቶኒዮ ግሬዝማን በ58ኛው ደቂቃ በፍፁም ቅጣት ምት እና ፖል ቦግባ 80ኛው ደቂቃ ሲያስቆጥር የአውስትራሊያን ግብ ጄዲኒካ በ62ኛው ደቂቃ ማስቆጠር ችሏል።

ይህን ውጤት ተከትሎም ፈረንሳይ ምድብ ሶስትን በሶስት ነጥብ መምራት ጀምራለች።

በምድብ አራት አርጀንቲና ከአይስላንድ ያደረጉት ጨዋታ 1 ለ 1 በሆነ አቻ ውጤት ተጠናቋል።

በዚህ ጨዋታ አጉዌሮ በ19ኛው ደቂቃ ለአርጀንቲና ሲያስቆጥር ፊንቦጋሶን በ23ኛው ደቂቃ አይስላንድን አቻ ያደረገችውን ግብ አስቆጥሯል።

የአለም ኮኮቡ ሊዮን ሜሲ በዚህ ጨዋታ ያገኘውን የፍፁም ቅጣት ምጥ ሳይጠቀምበት ቀርቷል።

አይስላድ በዘንድሮው የአለም ዋንጫ ከሚሳተፉት ሀገራት ባላት የህዝብ ቁጥር የመጨረሻዋ እና ትንሿ ናት።

ዛሬ ምሽት ናይጀሪያ በካሊኒግራድ ስታድየም ከክሮሺያ ጋር የምትገናኝበት ጨዋታ ይጠበቃል።

በሌላኛው ምድብ  ፔሩ ከዴንማርክ ምሽት 2 ሰዓት ላይ ይገናኛሉ።

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram