በአለም ዋንጫ እንግሊዝ ቱኒዝያን አሸነፈች

በሩሲያ እየተካሄደ ባለው 21ኛው የአለም ዋንጫ በምድብ ሰባት የሚገኙት እንግሊዝና ቱኒዝያ ያደረጉት ጨዋታ በእንግሊዝ አሸናፊነት ተጠናቀቀ።

እንግሊዝ ከቱኒዝያ ያደረጉት ጨዋታ በቮልጎራድ ስታድየም የተካሄደ ሲሆን፥ አፍሪካዊቷ ቱንዚያ በእንግሊዝ 2 ለ 1 በሆነ ውጤት ተሸንፋለች።

በጨዋታው የእንግሊዝ ብሄራዊ ቡድን በሀሪ ኬን 11ኛ ደቂቃ ግብ መሪ መሆን የቻለች ቢሆንም ሳሲ ለቱኒዝያ በ33ኛው ደቂቃ ባስቆጠራት ግብ አቻ መሆን ችለው ነበር።

ሆኖም በጨዋታው ለእንግሊዝ ብሄራዊ ቡድን ወሳኝ ተጫዋች ሆኖ ያመሸው ኬን እንግሊዝን አሸናፊ ያደረገች ግብ በ91ኛው ደቂቃ በማስቆጠር አሸናፊነቷን ስታረጋግጥ ቱኒዝያ በበኩሏ አሳዛኝ ተሸናፊ ሆናለች።

ይህን ውጤት ተከትሎም ፓናማን 3 ለ 0 ያሸነፈችው ቤልጂየም በ3 ነጥብ እና በ3 ንፁህ የግብ ክፍያ ምድብ ሰባትን መምራት ስትችል አንግሊዝ በ3 ነጥብና በ1 ንፁህ የግብ ክፍያ ሀለተኛ ደረጃ ላይ ትገኛላች።

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram