fbpx

በትጥቅ ትግል ሲሳተፉ የቆዩ የኦነግ አመራሮች ወደ ሃገራቸው ተመለሱ

በትጥቅ ትግል ሲሳተፉ የነበሩ የኦነግ አመራሮች ወደ ሃገራቸው ተመለሱ።

ዛሬ ከኢፌዴሪ ጠቅላይ ሚኒስትር ዶክተር አብይ አህመድ ጋር ወደ ሃገራቸው የተመለሱት፥ የቀድሞ የኦህዴድ መስራችና የሥራ አስፈጻሚ አቶ ዮናታን ዱቢሳና የመከላከያ ሰራዊት አባል የነበሩት ኮሎኔል አበበ ገረሱ ናቸው።

ሁለቱ የኦነግ አመራሮች የትጥቅ ትግላቸውን በመተውና በተፈጠረው ሰላም ተጠቅመው አስተዋጽኦ ለማድረግ ወደ ሃገራቸው መመለሳቸውን ገልጸዋል።

አቶ ዮናታን ሃገራቸውን ለቀው ከወጡ በኋላ ተቀማጭነታቸውን ኤርትራ በማድረግ በኦነግ ውስጥ የፖለቲካ ኃላፊ ሆነው ሲሰሩ ቆይተዋል።

ከአስራ ሰባት ዓመት በላይ ከሃገራቸው ወጥተው የተመለሱት አቶ ዮናታን እንደሚሉት፥ አሁን ላይ ተረጋጋ ፖለቲካ ሁኔታ በመፈጠሩ ወደ ሃገራቸው ተመልሰዋል።

ኮሎኔል አበበ ገረሱ ቀደም ሲል የመከላከያ ሰራዊት አባል የነበሩና አንድ መቶ የሰራዊቱን አባላት በመያዝና ኦነግን የተቀላቀሉ ናቸው።

ከኢትዮጵያ ከወጡ ከ11 ዓመት በላይ የሆናቸው ኮሎኔል አበበ፥ በሃገር ውስጥ በሰላም መቃወምና ሁሉም የሚፈልገውን መስራት የሚችልበት ሁኔታ በመፈጠሩ ወደ ሃገራቸው ለመመለስ መወሰናቸውን ተናግረዋል።

ምንጭ፦ ኢዜአ

Share your thoughts on this post

%d bloggers like this:
Visit Us On TwitterVisit Us On YoutubeVisit Us On Instagram