fbpx

በትግራይ ክልል የምህረት አዋጁ የሚመለከታቸው 56 የክስ መዝገቦች ተቋረጡ

የዴሞክራሲ ስርአት ግንባታን ለማሳደግና የፖለቲካ ምህዳሩን ለማስፋት በቅርቡ የጸደቀውን የምህረት አዋጅ ተከትሎ የ56 የክስ መዝገቦች እንዲቋረጥ መደረጉን የትግራይ ክልል ፍትህ ቢሮ አስታወቀ፡፡

ምክትል ቢሮ ኃላፊ አቶ አረጋይ ገብረእግዚአብሄር፥ በቅርቡ በአገር አቀፍ ደረጃ የፀደቀውን የምህረት አዋጅ በክልሉ ተግባራዊ ማድረግ ተጀምሯል ብለዋል።

በእዚህም የምህረት አዋጁ የሚመለከታቸው 56 የክስ መዝገቦች ተቋርጠው ተከሳሾች ወደ ማህበረሰቡ እንዲቀላቀሉ መደረጉን አመልክተዋል፡፡

ካለፈው ግንቦት 30 ቀን 2010 ዓ.ም በፊት የፖለቲካ መብታቸውን ተግባራዊ ለማድረግ በተለያዩ የወንጀል ድርጊቶች የተሳተፉ ሰዎች ተጠያቂነታቸው ተነስቶ በምህረት ወደ ህብተሰቡ እንዲቀላቀሉ በአዋጁ በተደነገገው መሰረት የክስ መዝገቦቹ መቋረጣቸውን አስረድተዋል።

በቅርቡ ወጥቶ ተግባራዊ የሆነው የምህረት አዋጁ የአገሪቱን የፖለቲካ ምህዳር ለማስፋት የራሱ አስተዋጽኦ እንዳለው አቶ አረጋይ ተናግረዋል።

Share your thoughts on this post

%d bloggers like this:
Visit Us On TwitterVisit Us On YoutubeVisit Us On Instagram