በቡሩንዲ የፕሬዚዳንትን የስልጣን ዘመን የሚወስን ህዝበ ውሳኔ ሲካሄድ ዋለ

ቡሩንዲ የሀገሪቱን ፕሬዚዳንት የስልጣን ቆይታ ጊዜ የሚወስን ህዝበ ውሳኔ ስታደርግ ውላለች።

ህዝበ ውሳኔው የሀገሪቱ ፕሬዚዳንት ፔየሬ ኑኩሩንዚዛ እስከ ፈረንጆቹ 2034 ድረስ በስልጣን ላይ እንዲቆዩ የሚያስችላቸው ነው ተብሏል።

ፕሬዚዳንቱ የሀገሪቱን የእርስ በእርስ ግጭት ለማስቆም በታንዛኒያዋ አሩሻ ከአማፂያን ጋር የሰላም ስምምነት ከተፈራሙ በኋላ በፈረንጆቹ 2005 ወደ ስልጣን የመጡ መሆኑ የሚታወስ ሲሆን፥ ይህ ስምምነት ከሁለት ተከታታይ የስልጣን ዘመናት በኋላ በፕሬዚዳንትነት ሰልጣን ላይ መቆየትን የሚከለክል ነው ተብሏል።

ይሁን እንጂ ፕሬዚዳንት ኑኩሩንዚዛ በፈረንጆቹ 2015 ለ3ኛ ጊዜ በመመረጣቸው ለ1 ሺህ 200 ያህል ዜጎች ሞትና 400 ሺህ ያህል ዜጎች ከቀያቸው መፈናቀል መንስኤ የሆነ ግጭት መቀቀስቀሱን ነው ዘገባው የሚያስረዳው።

በዛሬው ዕለት በሃገሪቱ የተካሄደው ህዝበ ውሳኔ የፕሬዚዳቱን የስልጣን ቆይታ ከ5 ዓመት ወደ 7 ዓመት ከፍ እንዲል እና በህገ መንግስቱ እንዲፀድቅ ለማድረግ ነው ተብሏል።

የህገ መንግስት ማሻሻያው ፕሬዝዳንቱ አሁን የያዙትን የስልጣን ቆይታ በ2020 ካጠናቀቁ በኋላ ለሁለት ተከታታይ የስልጣን ዘመን ለመቆየት እድል የሚሰጥ ነው ተብሏል።

ይህንን አሰራር የሀገሪቱ ህገ መንግስት አካል አድርጎ ለማጽደቅ ከ50 በመቶ በላይ ድምፅ ሰጪዎች ሀሳቡን መደግፍ እንዳለባቸው ነው ዘገባው የሚያመላክተው።

ለዚህም4 ነጥብ 8 ሚሊየን ያህል ዜጎች ድምፃቸውን ለመስጠት የተመዘገቡ ሲሆን፥ በዛሬው ዕለት ድምፃቸውን ሲሰጡ እንደዋሉም ነው የተገለጸው።

 

ምንጭ፦ aljazeera.com

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram