በበራሪ ነፍሳት አምሳል የተሰራችው ገመድ አልባ ሮቦት የመጀመሪያ በረራዋን አደረገች

በራሪ ሮቦቷ እንደ ሌሎች ሰው አልባ ‘‘ድሮኖች’’ ሞተር የተገጠመላት ሳትሆን የንብና መሰል በራሪ ነፍሳቶ ክንፎችን ተመሳስለው በተሰሩ ክንፎች የመጀመሪያ በረራዋን እንዳደረገች ተግልጿል።

የዋሽምግተን ዩንቨርሲቲ ስሪት የሆነችው ይህችው ቴክኖሎጂ ከሞተር አገልግሎት ውጭ ‘‘በሴንሰር’’ ለመጀመሪያ ጊዜ መብረር የቻለችው ቴክኖሎጂ አንደሆነችም ነው የተገለጸው።

ሮቦቷ በአውስትራሊያ ዓለም አቀፍ ሮቦትና ‘‘አውቶሜሽን’’ ስብሰባ ላይ በሙከራ ደረጃ ለእይታ መቅረቧም ታውቋል።

ክንፎቿን ለማንቀሳቀስ በአይን የማይታዩ ጨረሮች በሃይል ምንጭነት የምትጠቀመው በራሪ ሮቦቷ ጨረርን ወደ ኤሌክተሪክ ሃይል የሚቀይር መሳሪያ ተገጥሞላታል ተብሏል።

አዲሷ ቴክኖሎጂ ክብደቷ በጣም ቀላል ሲሆን፥ ወጪ ቆጣቢ በሆነ መንገድ በቀላሉ የተሰራች እንደሆነም ዘገባው ያስረዳል።

በሰፊ ማሳ ላይ የሰብል ክትትል በማድረግ፣ ሰወች መድረስ በማይችሉባቸው ቦታዎች በመድረስ መረጃዎችን በመሰብሰብ አድካሚ ስራዎችን በቀላሉ ለምስራት የምታስችል እንደሆነችም ነው የተገለጸው።

ምንጭ፦ techxplore.com

Share your thoughts on this post