fbpx
AMHARIC

በቂ የወንድ የዘር ፍሬ አለመመረት የተለያዩ በሽታዎች መገኘት አመላካች ነው-ጥናት

በቂ የወንድ የዘር ፍሬ የማያመርቱ ወንዶች ለተለያዩ በሽታዎች መጠቃት የሚዳርጉ የጤና እክሎች ለመኖራቸው አመላካች መሆኑን አንድ ጥናት ጠቆመ።

በ5 ሺህ 177 በቂ የወንድ የዘር ፍሬ በማያመርቱ ወንዶች ላይ በተካሄደ ጥናት ወንዶቹ 20 በመቶ ያህል ጤናማ ያልሆነ ውፍረት፣ የደም ግፊትና ኮሌስትሮል ያለባቸው ሆነው ተገኝተዋል።

እነዚህ ሰዎች የቴስቴስትሮን መጠናቸውም ዝቅተኛ ሆኖ ተገኝቷል።

አጥኚው በጥናቱ እንደሚያሳየው በቂ የወንድ የዘር ፍሬ የማያመርቱ ወንዶች ለሌሎች በሽታዎችም ተጋለጭ ናቸው።

የመሀንነት ችግሮች ካሉባቸው ሶስት ጥንዶች መካከል አንዱ የዘር ፍሬ መጠንና ጥራት ችግሮች ያሉበት ነውም ተብሏል።

በዚሁ ጥናት “ሴመን” የተባለው የወንዶች ዘር ፈሳሽ ውሀማ ክፍል በመሀን ወንዶች ጤና ላይ ሊኖረው ስለሚችለው ሁኔታ ሌላ ጥናት በጣሊያን ሀገር እንደተደረገም ተጠቁሟል።

በቂ የወንድ የዘር ፍሬ የማያመርቱ ወንዶች በሰውነታቸው ውስጥ የሚኖሩ የምግብና ሌሎች ንጥረ ነገሮች ውህደት ችግር፣ የደም ግፊት፣ የክብድት መጨመር፣ የስኳር ህመም፣ የልብ ህመምና አእምሮ የሚያገኘው ደም ድንገተኛ መቋረጥን የመሰሉ በሽታዎች የተጋለጡ መሆናቸው ተረጋግጧል።

በ12 እጥፍ የቴስቴስትሮን መጠናቸውም እንደሚቀንስ ታውቋል፤ ስለሆነም የአጥንት መሳሳት የጡንቻ መጠን መቀነስና በቀላሉ ለስብራት አደጋ የመጋለጥ እድላቸው ሰፊ መሆኑ ነው የተገለፀው።

የምርምር ቡድኑ መሪ ዶክተር አልበርቶ ፈርሊን እንደተናገሩት፥ መሀን ወንዶች ለጤና አደጋ የሆኑና እድሜን የሚያሳጥሩ መሰረታዊ ምልክቶች ይታዩባቸዋል። የወንዶች የመሃንነትና ከመሃንነት ጋር በተያያዘ የሚደረጉ ጥናቶች ስለሰዎቹ አጠቃላይ የጤና ሁኔታም ያስረዳሉ ተብሏል።

ይሁን እንጂ የዚህ ጥናት አጥኚ በቂ የወንድ የዘር ፍሬ የማያመርቱ ወንዶች በሰውነት ውስጥ የሚደረጉ የምግብና ሌሎች ንጥረ ነገሮች ውህደት ችግር ጋር እንደሚያያዝ አላረጋገጠም። የቴስቴስትሮን መጠን መቀነስና በተገቢው መጠን መገኘት ከጤና ጋር ያለው ግንኙነት ቀጥተኛ እንደሆነ ታይቷል።

መሀን ወንዶች የመሀንነት ጉዳዮቻቸውን በተገቢው ሁኔታ መታከም ለጤናቸው አስፈላጊ እንደሆነ ዶክተር ፈርሊን አስረድተዋል። እንደ ዶክተሩ አገላለፅ ልጅ የመውለድ ችግር ያለባቸው ወንዶች የመሀንነት ጉዳይ በሚመለከታቸው ሀኪሞች ከመታዮት ባለፈ አጠቃለይ ጤናቸውን የተመለከተ የጤና ክትትል ማድረግ ይጠበቅባቸዋል።

በኒውካስል ፈርቲሊቲ ማከል በሽንት ቧንቧ ጤና አመካሪ የሆኑት ከቪን ኤምኢልኒ በበኩላቸው የዘር ፍሬ ችግር ያለባቸው ወንዶች አልፎ አልፎ ሌሎች የጤና ጉድለቶች እንዳሉባቸው ተናግረዋል።

ግኝቱ የመሃንነት ጉዳዮችን የሚያዩ ክኒሊኮች የማህንነት ችግሮችን በሰዎች ላይ ሲመለከቱ ሌላ ተጓዳኝ ችግሮች እንዳሉ አማላካች እንደሆነ ማየት እንዳለባቸው ይጠቁማል።

በሼፊል ዩንቨርሲቲ የአንድሮሎጂ ፕሮፌሰር የሆኑት የመሀንነት ጉዳዮች ከሌሎች የጤና ጉዳዮች ጋር ሊኖራቸው ስለሚችለው ግንኙነት የበለጠ ለማወቅና ለመረዳት በርካታ ጥናቶች መደረግ እንዳለባቸው ተናግረዋል።

ፕሮፌሰር አላን ፓሴይ እንደሚሉት፥ ጥናቱ በከፊል መሀን የሆኑ ወንዶች ላይ ያለው ነገር የለም ተመሳሳይ ችግሮች ሊከሰቱ ይችላል የሚል ሀሳብ አለኝ። ይሁን እንጅ ጥናቱ ጠቋሚ መሆኑ አንዳለ በከፊል መሀን ወንዶች ላይ ጥልቀት ያላቸው ሌሎች ጥናቶች መደረግ እንዳለባቸው የሚያሳይ ነው ብለዋል።

ጥናቱ “የኢንዶክሪን ሶሳይቲ ችካጎ” በሚያካሄደው 100ኛው አመታዊ ስብሰባ ላይ እንደሚቀርብ ዘገባው ያስረዳል።

ምንጭ፦ ቢቢሲ

Share your thoughts on this post
%d bloggers like this:
Visit Us On TwitterVisit Us On YoutubeVisit Us On Instagram