በሽብር ወንጀል ተጠርጥረው የተከሰሱ በፍርድ ቤት ተቃውሞ አሰሙ

ታምሩ ጽጌ – ሪፖርተር

በአርበኞች ግንቦት ሰባትና በኦነግ አባልነት ተጠርጥረው የሽብር ወንጀል ክስ የተመሠረተባቸው ተከሳሾች ከማረሚያ ቤት ወደ ፍርድ ቤት ከመጡ በኋላ፣ በፍርድ ቤቱ ቅጥር ግቢ ውስጥ ሲደርሱ ተቃውሞአቸውን አሰሙ፡፡

በእነ ሚፍታህ ሼክ ሰሩር መዝገብ ክስ የተመሠረተባቸው 49 ተከሳሾችን ጨምሮ በእነ ክንዱ ዱቤ፣ በእነ ጎይቶም ርስቃይና በእነ አስቻለው ደሴ የክስ መዝገቦች ተካተው ክስ የተመሠረተባቸው በርካታ እስረኞች፣ ብሶታቸውን በመፈክር አሰምተዋል፡፡

ተከሳሾች ወደ ፍርድ ቤት ከመጡበት አውቶብስ ሲወርዱ፣ ‹‹እኛ አሸባሪዎች አይደለንም፡፡ አማራነትና ኦሮሞነት ወንጀል አይደለም፡፡ በሐሰት የከሰሰንን ዓቃቤ ሕግና በሐሰት ማስረጃ የፈረደብንን ዳኛ እንፋረዳቸዋለን፡፡ እናሸንፋለን . . . ፤›› የሚሉ መፈክሮችን እያሰሙ ሲዘምሩ ተሰምተዋል፡፡

መንግሥት በገባው ቃል መሠረት ለበርካታ የሽብር ወንጀል ተከሳሾችና ሌሎችም ከፖለቲካ ጋር ግንኙነት ባለው ጉዳይ የተከሰሱ ሰዎች ክስ በማቋረጥና በምሕረት ከተፈታ በኋላ፣ እነዚህም እስረኞች የዕድሉ ተጋሪ እንዲሆኑ ተቃውሞአቸውን እያሰሙ ነው፡፡

ዳኞች የፍርድ ቤቱን ሒደት በአግባቡና በጊዜው ለማካሄድ ባለመቻላቸው፣ ተከሳሾች ወይም በየመዝገቡ የተካተቱ እስረኞች ወደ ችሎት ሳይገቡ በጽሕፈት ቤት በኩል ቀጠሮ ለመስጠት ተገደዋል፡፡

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram