በሳምንት 2 ጊዜ ዓሳን መመገብ ለልብ ጤና አስፈላጊ እንደሆነ የአሜሪካ የልብ ማህበር ገለጸ

በሳምንት 2 ጊዜ ዓሳን መመገብ ከልብና ከልብ ጋር ተያያዥነት ያላቸው የጤና ችግሮችን አንደሚቀንስ የአሜሪካ የልብ ማህበር ገልጿል።

ዓሳ ‘‘ኦሜጋ 3 ፋቲ አሲድ’’ በተባለው ንጥረ ነገር የበለጸገ በመሆኑ ልብና ከልብ ጋር ተያያዥነተ ያላቸው የጤና ችግሮችን እንደሚቀንስ ነው የተገለጸው።

ዓሳን መመገብ ለጤና ያለው ጠቀሜታ ቀደም ሲል የሚታወቅ ቢሆንም የቅርብ ጊዜ ጥናቶች ቀድሞ ከተደረሰበት ግኝት በላይ ጠቀሜታ ያለው መሆኑን ማመላከታቸውን የአሜሪካ የልብ ማህበር ሃላፊ ኢሪክ ቢ ሪም ተናግረዋል።

ለዚህም በሳምንት 2 ጊዜ ያህል የዓሳ ምግቦች ከምግብ ገበታችን መጥፋት የሌለባቸው መሆኑን ነው ባለሙያዎች የሚመክሩት።

በደም ዝውውር ዑደት ላይ ተጽህኖ ባላቸው ስጋን የመሰሉ ምግቦች ፋንታ ‘‘ኦሜጋ 3 ፋቲ አሲድ’’ በተባለው ንጥረ ነገር የበለጸጉ የባህር ምግቦችን መመገብ የዚህን ችግር ተጋላጭነት ይቀንሰዋል ነው የተባለው።

የባህር ምግቦች የሜሪኩሪ ይዘት ያላቸው መሆኑንና ሜርኩሪ አዲስ በተወለዱ ህፃናት ላይ የነርብ ችግር እንደሚያስከትል በዘገባው ተመላክቷል።

ሜሪኩሪ በዓሳዎች ውስጥም የሚገኝ ቢሆንም አሁን ላይ ባሉት ጥናት በልብና ከልብ ጋር ተያያዥ ከሆኑ ችግሮች ጋር ምንም ግንኙነት የሌለው መሆኑን ባሙያዎች ማስረዳታቸውንና አሳን መመገብ ጠቀሚ መሆኑ ነው በዘገባው የተገለጸው።

ምንጭ፦ sciencedaily.com

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram