በሰሜን ሸዋ ዞን በደረሰ የትራፊክ አደጋ የ18 ሰዎች ህይወት አለፈ

በአማራ ክልል ሰሜን ሸዋ ዞን ጫጫ ከተማ በደረሰ የትራፊክ አደጋ የ18 ሰዎች ህይወት አለፈ፡፡

አደጋው የደረሰው ከቀኑ 10 ሰዓት 30 አካባቢ ሲሆን ስምንት ሰዎች ቀላልና ከባድ ጉዳት ደርሶባቸዋል፡፡

በአደጋው ጉዳት የደረሰባቸው ሰዎች የህክምና እርዳታ ተደርጎላቸው ተመልሰዋል ተብሏል።

በተለምዶ ሃይሩፍ የሚባለው ሚኒባስ ከአዲስ አበባ ወደ ደብረብርሃን በመጓዝ ላይ የነበረ ሲሆን ከጻድቃኔ ማርያም እየተመለሰ ከነበረ የህዝብ ማመላለሻ አውቶብስ ጋር ተጋጭቶ ነው አደጋው የደረሰው፡፡

60 ሰዎችን አሳፍሮ የነበረው የአውቶብስ መኪና አሽከርካሪ በቁጥጥር ስር መዋሉን የወረዳው ፖሊስ አስታውቋል፡፡

የአደጋው መንስዔ መስመርን ጠብቆ ያለማሽከርከር ችግር መሆኑን የወረዳው ትራፊክ ፖሊስ ጽህፈት ቤት አስታውቋል፡፡

በአላዩ ገረመው

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram