fbpx

በሞስኮ ብዙ ሰዎች ወዳሉበት ቦታ ጥሶ የገባ ታክሲ የዓለም ዋንጫ ደጋፊዎችን ጨምሮ 7 ሰዎች ላይ ጉዳት አደረሰ

በሩሲያ ሞስኮ ህዝብ ወደ በብዛት ወደተሰበሰበበት ስርፋ ጥሶ የገባ አንድ ታክሲ የዓለም ዋንጫን ለማየት ወደ ሀገሪቱ የገቡትን የውጭ ሀገራት ዜጎችን ጨምሮ 7 ሰዎች ላይ ጉዳት ማድረሱ ተሰምቷል።

አደጋው የደረሰው በትናንትናው እለት ሲሆን፥ በሞስኮ ቀይ መስቀል አደባባይ በሚባል አካባቢ መድረሱን ነው የዓይን እማኞች የተናገሩት።

በአደጋው ጉዳት ከደረሰባቸው ሰዎች ውስጥም ሁለቱ የሜክሲኮ ዜግነት ያላቸው ሲሆን፥ በዓለም ዋንጫው ላይ ሀገራቸውን ለመደገፍ ወደ ሞስኮ ማቅናታቸውም ተነግሯል።

የሞስኮ ትራፊክ ማናጅመንት ቢሮ፥ የታክሲ አሽከርካሪው መንጃ ፈቃዱን ከካርዛጊስታን የወሰደ መሆኑን እና አደጋውን ሆን ብሉ እንዳላደረሰው አስታውቋል።

የሞስኮ ከንቲባ በትዊተር ገፃቸው፥ ግለሰበሱ አደጋውን ሊያደርስ የቻለው ሲያሽከረክረው የነበረው ታክሲ ከቁጥጥሩ ውጭ በመሆኑ ነው ብለዋል።

የከተማዋ ፖሊስ ደግሞ በግለሰቡ ላይ የትራፊክ ደንብን በመተላለፍ ወንጀል የምርመራ መዝገብ እንደከፈተበት አስታውቋል።

ፖሊስ በአደጋው የተጎዱት 7 ሰዎች ናቸው ቢልም፤ የሞስኮ የጤና ጥበቃ ቢሮ ደግሞ በአደጋው የተጎዱት 8 ሰዎች ናቸው፤ ከእነዚህ ውስጥ 7 በመልካም ሁኔታ ላይ መሆናቸውን እና አንዲት ሴት ግን ክፉኛ መጎዳቷን ገልጿል።

የሚክሲኮ ኤምባሲ በበኩሉ ሁለት ሜክሲካውያን ሴቶች በትራፊክ አደጋው መጠነኛ ጉዳት እንደደረሰባቸው አስታውቋል።

ከሜክሲኮ ዜጎች በተጨማሪም አንድ ዩክሬናዊ፣ ሁለት ሩሲያዊ እና ሁለት የአዘርባጃን ዜጎች በትራፊክ አደጋው መጎዳታቸው ተነግሯል።

ምንጭ፦ www.reuters.com

Share your thoughts on this post
%d bloggers like this:
Visit Us On TwitterVisit Us On YoutubeVisit Us On Instagram