በልብስ ስፌት ማሽን እና ክር በሚስላቸው የስዕል ውጤቶች ዝናን ያተረፈው ሰዓሊ

የ35 ዓመቱ አሩን ኩማር ባጃጂ የተባለው ህዳዊ በልብስ ስፌት ማሽን እና ክር በሚስላቸው የስዕል ውጤቶች እውቅናን እያተረፈ ነው ተብሏል።

አሮን ለተከታታይ 23 ዓመታት በልብስ ስፌት ስራ ላይ የቆየ ሲሆን፥ በትምህርት ቤት የነበረውን የስዕል ንድፍ ችሎታ ከልብስ ስፌቱ ጋር በማስተሳሰር የተዋጣለቸው የስዕል ስራዎችን ለመስራት መቻሉ ነው የተገለጸው።

ሰዓሊው ከዚህ ቀደም የዘርፉ ስልጠና የሌለውና የልብስ ስፌት ማሽኑን በመጠቀም አሁን ላይ የሚሰራቸውን ስዕሎች በአካባቢውም ይሁን በሌሎች ሀገራት መስራት ያልተለመደ መሆኑን ነው ዘገባው የሚያስረዳው።

እነዚህ ስራዎቹ ከአሁን በፊት ቤሌሎች ያልተሰሩና ጥራት ያላቸው ሲሆኑ፥ አሁን ላይ በሀገሩና ከሀገሩ ውጭ የተሻለ ተከፋይና አድርገውታል ተብሏል።

በአባቱ ድንገተኛ ሞት የቤተሰብ አስተዳዳሪነትን ሚና የያዘው አሩን ቀደም ሲል ትምህርት ቤት በነበረበት ወቅት የስነ ስዕል ዝንባሌና ሰዓሊ የመሆን ህልም የነበረው ሲሆን፥ አሁን ላይ ትምህርቱን ማቋረጡም ታውቋል።

አባቱ ታዋቂ ልብስ ሰፊ የነበሩና የእርሳቸውን ፈለግ በመከተል የተዋጣለት የልብስ ሰፊ የሆነው አሩን ክርና የልበስ ስፌት ማሽኑን በመጠቀም በዓልተለመደ መልኩ የስዕል ስራ ችሎታውን ለማሳየት መቻሉን ነው ዘገባው የሚያመላክተው።

በዚህም ጥራትና እይታን የሚስቡ ስዕሎችን በልብስ ስፌት ማሽንና የተለያዩ ቀለም ባላቸው ክሮች በመሳል ታዋቂ ለመሆን ምብቃቱም ነው የተገለጸው።

አሮን አሁን ላይም በልብስ ስፌት ስራው የመቀጠል ፍላጎት የሌለውና የስዕል ተሰጥኦ ስራውን የማሳደግ ፍላጎት ያለው መሆኑም ታውቋል።

በልብስ ስፌት ማሽን ስዕሎችን መስራት አንዴ ስህተት ከተሰራ መለሶ ለማስተካከልና ክሮች ሲደራረቡም የስዕሉን ማራኪነት የሚቀንሱት ሲሆን፥ አሩን ለ23 ዓመታት ያዳበረው ልምድና ልዩ ችሎታው ያለ ምንም እንከን ስዕሎችን መስራት መቻሉን ነው ዘገባው የሚያመላክተው።

 

 

ምንጭ፦ odditycentral.com

የተተረጎመው፦ በእንቻለው ታደሰ

Share your thoughts on this post