በልቅሶ ሙያቸው ተከፋይ የሆኑት ጋናአዊን

ለቀብር ስነ ስርዓት የሰርግ ያህል ትኩረት ከሚሰጥባቸው የአፍሪካ ሀገራት ጋና አንዷ መሆኗ ተገልጿል።

የጋና የቀብር ፕሮግራም አዘጋጅ ለመገናኛ ብዙሃን እንደተናገሩት በአንድ ትልቅ ፕሮገራም ላይ በርካታ የለቅሶ ባለሙያዎች ቡድን የሚጋበዝ ሲሆን፥ ከ15 እስከ 20 ሺህ የአሜሪካ ዶላር ወጪ ሊጠይቅ ይችላል ተብሏል።

ለዚሁ ትልቅ ማህበራዊ አውድ ታላላቅ ቢል ቦርዶች እንደሚዘጋጁና የሀገረ ሰባዊ ትውን ጥበባት ትዕይንትም በፕሮግራሙ አንደሚካተቱም ታውቋል።

ጋናዊያን የልቅሶ ባለሙያዎች የወደዱትን አጥተው ማልቀስ በማይችሉ ሰዎች ፈንታ ተከፍለው በልቅሶ የሀዘንተኞቹን የልብ የሚያደርሱ መሆናቸውን ነው ዘገባው የሚያመላክተው።

አንዳንዶቹ ጋናዊያን ለእነዚህ ታዋቂ አልቃሽ ባለሙያዎች ለመክፈል ዝግጁነት የሌላቸው ቢሆንም ባለሙያዎቹ ለሟች ቤተሰቦች በቀብሩ ላይ ከሚሳተፍ ህዝብ ከፍተኛ ገቢ አንዲሰበሰብ ከፍተኛ አስተዋጽ እንዳላቸው ተናግረዋል።

በሃገሪቱ የአንዱ አልቃሽ ቡድን መሪ የሆኑት አሚ ዶክሊ ለመገናኛ ብዙሃን በሰጡት ቃለ ምልልስ አንደተናገሩት አንዳንድ ሰዎች የሚወዷቸውን አጥተው ውስጣቸውን የመረረ ሃዘን ቢሰማቸውም የውስጣቸውን አውጥተው ለማልቀስ እንደሚችገሩ ተናግረዋል።

የዚህ ቡድን አባላት ባሎቻቸውን በሞት የተነጠቁ ሲሆን ፥ የትዳር አጋሮቻቸውን ካጡ በኋላ በቀብር ላይ ማልቀስ ለማይችሉ ሌሎች ሰዎች በክፍያ ሀዘንተኞቹን ተክተው የማልቀስ ስራ እንደሚሰሩ ዶክሊ ተናግረዋል ።

ቀብሩ ትልቅ ትኩረት የሚሰጠው ከሆነ በዚያኑ ልክ የእነዚህ የልቅሶ ሙያተኞች ክፍያም እንደሚጨምር ተናግረዋል።

በሀገሪቱ ኩማሲ የተባለ ለቅሶ ባለሙያዎች ማህበር መሪ የሆኑት ማዳም አዎ ያዶኮህ በበኩላቸው የለቅሶ ባለሙያዎች ለሟች ቤተሰቦች በቀብሩ ላይ ከሚሳተፍ ሰዎች ከፍተኛ ገቢ አንዲሰበሰብ አስተዋጽ እንዳላቸው ተናግረዋል።

የለቅሶ ባለሙያዎች በእየቀኑ ስራ እንደማያጡም ማዳም ያዶኮህ ይናገራሉ።

አንዳንድ የሃገሪቱ ሰዎች ገና በህይወት እያሉ በቀብራቸው ላይ እንድንገኝ አስቀድመው ፍላጎታቸውን ለቤተሰቦቻቸው እንደሚናገሩም ወ/ሮ አስረድተዋል።

የዝነኞቹ ቤተሰብ ቀብር ላይ ልዩ ለቅሶ የምናሳይና ጥሩ ክፍያ የምናገኝ ሲሆን፥ ሌሎቹም ይህንን ችሎታችን በማየት ይዋዋሉናል ብለዋል ያዶኮህ ።

ምንጭ፦ odditycentral.com

የተተረጎመው፦ በእንቻለው ታደሰ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram