በሊቢያ በህገ ወጥ የሰዎች ዝውውር ውስጥ እጃቸው አለበት የተባሉ 6 ግለሰቦች ላይ የተባበሩት መንግስታት ድርጅት ማዕቀብ ጣለ

በድርጅቱ የፀጥታው ምክር ቤት ሰዎችን በህገወጥ መንገድ በማዘዋወር ቀንደኛ በሆኑት ግለሰቦች ላይ የጣለው ማዕቀብ በአለም አቀፍ ደረጃ መንቀሳቀስ እንዳይችሉ የሚያደርግ ነው፡፡

ማዕቀቡ ከተጣባለቸው መካከል የአገሪቱ የባህር ጠረፍ ጥበቃ ኃላፊ የሆነውን ግለሰብ ጨምሮ አራቱ ሊቢያዊያን ሲሆኑ ሁለቱ ደግሞ ኤርትራዊያን ናቸው ፡፡

የህገ ወጥ አዘዋዋሪዎቹ በሊቢያ ያለውን አለመረጋጋት በመጠቀም በመቶሺዎች የሚቆጠሩ ስደተኞችን በህገ ወጥ መንገድ ወደ አውሮፓ እንዲዘዋወሩ በማድረግ እጃቸው አለበት ተብሏል፡፡

በተለይም በሊቢያ በአስከፊ እስር ላይ ለሚገኙት ሰደተኞችም ተጠያቂዎችን እነዚህ ግለሰቦች እንደሆኑ ተመልክቷል፡፡

የፀጥታው ምክር ቤት ማዕቀቡን የጣለው በኔዘርላንድስ ሀሳብ አቅራቢነት አለም አቀፍ ጉዞ እገዳና ኃብታቸው እንዳይንቀሳቀስ ማድረግን የሚያካትት ነው፡፡

ምክር ቤቱ ለዚህ ውሳኔ የበቃው ባለፈው አመት ሲኤን ኤን የተበለው የቴቪዥን ጣቢያ በሊቢያ ስደተኞች ላይ በይፋ የባሪያ ፍንገላ እየተካሄደ መሆኑን በምስል አስረግጦ ለአለም ይፋ ካደረገ በኃላ መሆኑን ቢቢሲ ዘግቧል፡፡

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram