በለንደን ንጉሳዊ ቤተሰቦች የሰርግ ስነስርዓት ላይ ለታዳሚዎች የቀረቡ ሰጦታዎች በድረ ገጽ ለገበያ ቀረቡ

በፈረንጆቹ ግንቦት 19 በለንደን የተካሄደው የንጉሳዊ ቤተሰቦች የሰርግ ስነስርዓት ላይ ለታደሚዎች በስጦታ የቀረቡ ቁሳቁሶች በድረ ገጽ ለገበያ መቅረባቸው ተገልጸ።

ቁሳቁሶቹ ‘‘በኢባይ’’ የድረ ገጽ መገበያያ ለሽያጭ የቀረቡ ሲሆን፥ የንጉሳዊ ቤተሰብ ሙሽሮች ማስታዎሻዎች አያምልጧችሁ የሚሉ ማሳሰቢዎችም በመገበያያ ድረገፁ ተሰራጭተዋል ነው የተባለው።

በዚህም የእጅ ቦርሳዎችን ጨምሮ የውሃ ፕላስቲክ ኮዳዎች፣ የቸኮሌት ሳንቲሞች፣ ፍሪጅ ማግኔት የተባሉ ቁሳቁሶች በድረ ገፁ ለሽያጭ መቅረባቸውን ነው የተገለጸው።

በፕሮግራሙ ላይ ከተገኙ የሃይመኖት መሪዎች በስተቀር ለ6ሺህ240 ታዳሚዎች የእጅ ቦርሳ ስጦታዎች የቀረበ መሆኑንም ዘገባው ያስረዳል።

ከዚህ በተጨመሪም 600 ያህል የሀገሪቱ ታዋቂና ዝነኛ ሰዎች በሰርጉ ፕሮግራም ላይ መታደማቸውን ነው መረጃዎች የሚያመላክቱት።

 

 

 

 

 

ምንጭ፦ ቢቢሲ

 

የተተረጎመና የተጫነው፦ በእንቻለው ታደሰ

Share your thoughts on this post