በሆለታ የመጠጥ ውሃ አገልግሎት ጽ/ቤት ላይ በደረሰ የእሳት አደጋ 38 ሚሊየን ብር የሚገመት ንብረት ወደመ

በሆለታ ከተማ የመጠጥ ውሃ አገልግሎት ጽህፈት ቤት ላይ የደረሰ የእሳት አደጋ ንብረት ማውደሙን የከተማዋ የመንግስት ኮሙዩኒኬሽን ጉዳዮች ጽህፈት ቤት አስታወቀ።

እንደ ጽህፈት ቤቱ ገለጻ በእሳት አደጋው በሆለታ ከተማ የመጠጥ ውሃ አገልግሎት ጽህፈት ቤት ቅጥር ግቢ ውስጥ የነበረ 38 ሚሊየን ብር የሚገመት ንብረት ወድሟል።

የእሳት አደጋውንም በአካባቢው ነዋሪ፣ ፖሊስ እና የመከላከያ ሰራዊት አባላት እንዲሁም ከአዲስ አበባ በተገኘ የእሳት አደጋ ተቆጣጣሪዎች ድጋፍ በቁጥጥር ስር መዋሉንም ጽህፈት ቤቱ አስታውቋል።

የእሳት አደጋው መንስኤ ለጊዜው እስካሁን ያልታወቀ መሆኑን ያስታወቀው ጽህፈት ቤቱ፥ መንስኤው እየተጣራ መሆኑን ገልጿል።

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram