በህንድ የተቀሰቀሰ ኒፓህ ቫይረስ የ10 ሰዎች ህይወት አጠፋ

በህንድ ደቡባዊ ግዛት ኬራላ የተቀሰቀሰ ኒፓህ ቫይረስ ነርሶቸን ጨምሮ የ10 ሰዎችን ህይወት ማጥፋቱ ተገልጿል።

የመጀመሪያው የቫይረሱ ምልክት በህንድ ሰሜናዊ ግዛት ኮዝሂኮዴ አካባቢ ባሳለፍነው ቅዳሜ የታየ ሲሆን፥ በፍጥነት ወደ ሌሎች አካባቢዎች እየተስፋፋ እንደሆነ ነው የተገለጸው።

በቫይረሱ በተጠረጠሩ ሰዎች ላይ በተደረገ ምርመራ ሌሎች 10 ሰዎች በቫይረሱ ተበክለው መገኘታቸውን የሀገሪቱከፍተኛ የጤና ባለስልጣኖች ገልጸዋል ተብሏል።

በቫይረሱ የተበከሉ ሰዎች ለመጀመሪያ ጊዜ የእራስ ምታት እንደሚሰማቸው እና የመተንፈሻ አካላትን በተለይም ሳንባን የሚያጠቃ ሲሆን፥ ጭንቅላት ላይ የማቃጠል ስሜት እንዳለውም የአሜሪካ የበሽታ መቆጠጠሪያና መከላከያ ማዕከል መረጃ አመላክቷል ነው የተባለው።

የቫይረሱ የህመም ደረጃ በቀናት ልዩነት ወደ ከፋ ደረጃ በመሸጋገር ህሙማኑ እራሳቸውን ለመቆጣጠር እንደሚያቅታቸውም ነው የተገለጸው።

ለዚህ በሽታ ምንም አይነት ክትባትም ይሁን መድሃኒት ያልተገኘለት መሆኑ ህምማኑን ለመርዳት አስቸገሪ አድርጎታል ተብሏል።

እስካሁን በበሽታው ህይወታቸው ከጠፋው ሰዎች መካከል በሽተኖቹን ሲንከባከቡ የነበሩ ነርሶች እንደሚገኙበትም ታውቋል።

ቨይረሱ ሰዎችን ብቻ ሳይሆን እንሰሳትንም እንደሚያጠቃ የተገለጸ ሲሆን፥  ቀደም ሲል በማላዥያ፣ ህንድ እና ባንግላዲሽ ከፈረንጆቹ 1998 እስከ 2015 ባሉት አመታት ተከስቶ የነበረ መሆኑን ዘገባው አመላክቷል።

 

ምንጭ፦ cnn.com

Share your thoughts on this post