በሀገሪቱ እየተወሰዱ ያሉት እርምጃዎች ተጨባጭ ውጤት እያስመዘገቡ ነው- መንግስት

ባለፉት ጥቂት ወራት መንግስት ሀገራዊና ከባቢያዊ ሁኔታዎችን ታሳቢ በማድረግ እየወሰዳቸው ያሉት እርምጃዎች ፈጣንና ተጨባጭ ውጤቶች በማስመዝገብ ላይ እንደሚገኙ ተገለፀ።

የህዝብን ፍላጎት መሰረት በማድረግ በኢትዮጵያ የተጀመረው ፈጣን ለውጥ ተጨባጭ ስኬቶችን በማስመዝገብ ላይ እንደሆነ እና ለውጡን ማንም ሊያቆመው በማይችለው ደረጃ ላይ እንደሚገኝ የፌዴራል የመንግስት ኮሙዩንኬሽን ባወጣው መገለጫ አስታውቋል።

ይሁንና የለውጥ ሂደቱ ለማደናቀፍ በርካታ እየተደረጉ መሆኑን እና የህዝብና መንግስትን የለውጥ አቅጣጫ ለማስቀየር ጥረት እየተደረገ መሆኑን መግለጫው ጠቁሟል።

በመግለጫው የኢህአዴግ ስራ አስፈፃሚ ኮሚቴ ጥልቅ ግምገማ በማድረግ ባሳለፈው ውሳኔ መሰረት አመራሮች የነበረውን የተሳሳተ አካሄድ ለማስተካክል ጥረት በማድረግ ላይ እንደሚገኙ አስታውቋል።

በዚህ መሰረት የህግ ታራሚዎች በይቅርታ ከእስር ተለቀዋል፣ ከተፎካካሪ ፓርቲዎች ጋር መልካም ግንኙነትን መፍጠር ተጀምሯል፣ በትጥቅ ትግል ላይ የተሰማሩ ሃይሎችም ሰላማዊ የትግል መስመርን ተቀላቅለዋል፣ ከኤርትራ ጋር የነበረው ሞት አልባ ጦርነትም መቋጫ በማግኘት እንደሆነና ሌሎች ህብረተሰቡ ሲያነሳቸው የነበሩ በርካታ ጥያቄዎች ምላሽ እየሰጠ መሆኑን በመግለጫው አመልክቷል።

ይሁን እንጂ የህዝንቡን ለውጥ መንገድ ለማደናቀፍና የሂደቱን አቅጣጫ ለማስቀየር ጥረት በማድረግ ላይ እንደሆነ ተመልክቷል።።

መንግስትም ጉዳዩ በጥልቀት የሚመረምርና የመፍትሄ ሃሳብ የሚያቀርብ ኮሚቴ አቋቁሞ እየሰራ በመሆኑ ማንኛውንም ዜጋ ለኮሚቴው ተገቢውን መረጃ በመስጠት እንዲተባበር ጥሪውን አቅርቧል።

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram