ቅዱስ ጳውሎስ ሆስፒታል ሐኪሞች ከታካሚዎች ጋር እንዲግባቡ ለሦስት ወራት የሚቆይ የኦሮምኛ ቋንቋ ስልጠና በመስጠት ላይ ነው

ቅዱስ ጳውሎስ ሆስፒታል ሐኪሞች ከታካሚዎች ጋር እንዲግባቡ ለሦስት ወራት የሚቆይ የኦሮምኛ ቋንቋ ስልጠና እየሰጠ መሆኑን አስታወቀ፡፡

ስልጠናው ከታካሚዎች ጋር ተግባብተው እንዲሰሩና ጊዜን ለመቆጠብ እንደሚረዳቸው ሰልጣኞች የገለጹ ሲሆን፥ ታማሚው ሀኪሙ ተረድቶኛል ብሎ እምነት እንዲጥል እንደሚያደርግውም ተገልጿል።

በሆስፒታሉ በተደረገ የዳሰሳ ጥናት 70 በመቶ የሚሆኑት ታካሚዎች ከኦሮሚያ ክልል የሚመጡ መሆኑን ያሳያል ብለዋል የስልጠናው ዋና አስተባባሪ ዶክተር ቶማስ መኩሪያ።

ከነዚህም ውስጥ 30 በመቶው ኦሮምኛ ቋንቋ ብቻ የሚናገሩ በመሆናቸው የህክምና ባለሙያዎች አስተርጓሚ በመፈለግ ስራ ሲሰሩ የጊዜ ብክነት ለመቀነስና ትክክለኛ መረጃን ለማግኘት ስልጠናው መዘጋጀቱን ገልፀዋል ዶክተሩ።

በስልጠናው 120 የህክምና ባለሙያዎች በአራት ክፍሎች እየሰለጠኑ እንደሆነ ገልፀው፤ ስልጠናው የሚሰጠው ከአዲስ አበባ ዩኒቨርሲቲ የኦሮሚኛ ቋንቋ ምሁራን ጋር በመተባበር መሆኑን ተናግረዋል።

ለስልጠናው ከ5 መቶ በላይ ሰልጣኞች ተመዝግበው ለመጀመሪያ ዙር 120 ባለሙያዎች እየሰለጠኑ መሆኑን የተናገሩት ዋና አስተባባሪው በቀጣይ ዙር የሚቀጥል መሆኑም አብራርተዋል።

 

ምንጭ፦ኢዜአ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram