ቅባት ያልበዛባቸው ምግቦች የጡት ካንሰር ህሙማን እድሜ ያራዝማሉ- ጥናት

ቅባት ያልበዛባቸው ምግቦችን የመመገብ ልምድ ያላቸው የጡት ካንሰር ህሙማን ቅባት ከበዛበት ምግብ ተመጋቢዎች አንጻር በህይወት የመቆየት ዕድል የተሻለ ሆኖ እንደተገኘ አንድ ጥናት አመላክቷል።

ተመራማሪዎቹ የወር አበባ ማየት ያቋረጡ 49 ሺህ የአሜሪካዊያን እናቶችን መረጃ ከተለያዩ ጤና ጣቢያዎች በማሰባሰብ ባደረጉት ጥናት እንዳረጋገጡት ቅባት ያልበዛባቸው ምግቦች የጡት ካንሰር ህሙማን እድሜ ለማራዘም ጠቃሚ ናቸው።

በእነዚህ እናቶች ላይ ከ8 ዓመታት በላይ በተደገ ጥናት 1ሺህ 764 እናቶች በጡት ካንሰር የተያዙ ሲሆን፥ የአትክልት፣ ፍራፍሬ እና ጥራጥሬ ተመጋቢዎች ህሙማን በበሽታው መያዛቸው ከተረጋገጠ በኋላ በአማካይ 11ነጥብ5 ያህል ዓመት በህይዎት መቆየት መቻላቸው ነው የተገለጸው።

 

ከጡት ካንሰር ህሙማኑ መካከል የ516 ሟቾችን የህዎት መረጃ የመዘገበው ጥናቱ ከአትክልት፣ ፍራፍሬ እና ጥራጥሬ ተመጋቢ ህሙማን 68 ያህሉ ብቻ በቀጥታ ከጡት ካንሰር በሽታ ጋር በተያያዘ ህይዎታቸው ማለፉን አስታውቋል።

ይሁን እንጂ በአመጋገባቸው ቅባትን ከሚያዝወትሩ ህሙማን መካከል 120 ያህሉ በቀጥታ ከበሽታው ጋር በተያያዘ ጉዳይ ህይዎታቸው ማለፉን ነው በዘገባው የተገለጸው።

የጥናቱ መሪ የሆኑት ዶ\ር ሮዋን ቸለቦው የቅባት ይዘትን ከምንመገባቸው ምግቦች መቀነስ የጡት ካንሰር ህሙማን እድሜ ከማራዘም ባለፈ በርካታ የጤና ጠቀሜታዎች ያሉት መሆኑን ነው የገለጹት።

 

 

 

 

ምንጭ፦ upi.com

የተተረጎመውና የተጫነው፦ በእንቻለው ታደሰ

Share your thoughts on this post