ሼህ ሙሀመድ አሊ አልአሙዲን በቅርቡ እንደሚፈቱ ጠ/ሚኒስትር ዶ/ር አብይ አህመድ አስታወቁ

ሼህ ሙሀመድ አሊ አልአሙዲን በቅርቡ እንደሚፈቱ እና ከሳዑዲ አሪቢያው አልጋ ወራሽ መሀመድ ቢን ሳልማን ጋር ከስምምነት ላይ እንደተደረሰ ጠቅላይ ሚኒስትር ዶክተር አብይ አህመድ አስታወቁ።

ጠቅላይ ሚኒስትሩ ዛሬ በሚሊንየም አዳራሽ በማይንድሴት ዝግጅት ላይ ባደረጉት ንግግር በሳዑዲ አረቢያ በነበረቸው ቆይታ ከሀገሪቱ አልጋ ወራሽ መሀመድ ቢን ሳልማን ጋር ሼህ ሙሀመድ አሊ አልአሙዲን እንዲፈቱ ስምምነት ላይ እንደተደረሰ ገልፀዋል።

የሼህ ሙሀመድ አሊ አልአሙዲን ዛሬ ወደ ሀገር ቤት ይዞ ለመምጣት አስበው እንደነበር እና በጊዜያዊ ችግር ያንን ማድረግ እንዳልተቻለ ገልፀዋል።

ጠቅላይ ሚኒስትሩ ሼህ ሙሀመድ አሊ አልአሙዲን የሚፈቱበት ቀን ባይቆረጥም በቅርቡ እንደሚፈቱ አረጋግጠዋል።

በውጭ ሀገራት የሚኖሩ ኢትዮጵያውያን ዳያስፖራዎችም የሼህ ሙሀመድ አሊ አልአሙዲን ጉዳይ እንደራሳቸው ጉዳይ መውሰድ እንዳለባቸው እና የሁሉም ጉዳይ መሆን እንዳለበት አሳስበዋል።

በሳዑዲ አረቢያ ቆይታቸው 1 ሺህ ኢትዮጵያውያን እንደተፈቱ የገለፁ ሲሆን ከፊሉ ከዛሬ ምሽት ጅምሮ ወደ ሀገራቸው እንደሚገቡ ተናግረዋል።

ኤፍቢሲ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram