ሻለቃ አትሌት ኃይሌ ገብረ ስላሴ ባለ 4 ኮኮብ ሆቴልና ሪሶርት በደብረ ብርሃን ከተማ ልገነባ ነው

ሻለቃ አትሌት ኃይሌ ገብረ ስላሴ በሀገር ደረጃ ሊገነባ ካቀዳቸው 20 ሆቴሌች መካከል አንዱ የሆነውን ባለ 4 ኮኮብ ሆቴልና ሪሶርት በደብረ ብርሃን ከተማ ለመገንባት ለከተማ አስተዳደሩ ፕሮጀክት ፕሮፖዛል አቀረበ፡፡

የሚገነባው ባለ 4 ኮኮብ ሆቴልባ ሪሶልት 100 የሚሆኑ ደረጃቸው የጠበቁ አልጋዎች፣ 500 ሰዎችን በአንድ ጊዜ ማስተናገድ የሚችሉ ሬስቶራንትና አዳራሽ፣ 6 መለስተኛ አዳራሾች፣ መዋኛና ሌሎች መዝናኛዎች፣ የግብይት ሱቆችና ሌሎችም እንደሚኖሩት ተገልጿል፡፡

የግንባታ ፕሮጀክቱ ከ2 መቶ እሰከ 3መቶ ሚሊዮን ብር የሚፈጅ ሲሆን በ8ሺ ካሬ ቦታ ላይ የሚገነባ እንደሚሆን በፕሮጀክቱ ላይ ተጠቁሟል፡፡ፕሮጀክቱ ተቀባይነት ካገኘ 120 ለሚሆኑ ዜጎች የስራ ዕድል ይፈጥራል ተብሏል፡፡

ይህ በከተማ አስተዳሩ የሚገነባው ሆቴል ሻለቃ ሃይሌ ሊገነባ ካቀዳቸው 20 ሆቴሎች 10ኛ ግንባታው መሆኑ ተገልጿል፡፡

Source: ANRS Debre Birhan city Communication Affairs Office

Share your thoughts on this post