ሶማሊያ እና ደቡብ ሱዳን የመገበያያ ገንዘባቸውን ሊቀይሩ ነው

የሶማሊያ መንግስት አሁን በስራ ላይ ያለውን የሀገሪቱን ገንዘብ በመቀየር አዲስ መገበያያ ገንዘብ ሊያትም መሆኑን አስታወቀ፡፡

‹‹ሺሊንግ›› በሚል የሚጠራው የሶማሊያ ገንዘብ ባለ5 ሺህ እና 10 ሺህ አዲስ የገንዘብ ኖቶች በሀገሪቱ መንግስት ይፋ ተደርገዋል፡፡

ላለፉት ሁለት አስርት ዓመታት አገልግሎት እየሰጠ የሚገኘው ባለ1 ሺህ የብር ኖት በአዲሶቹ የገንዘብ መገበያያ እንደተካተተ ተጠቁሟል፡፡

አዲሶቹ የገንዘብ ኖቶች በሀገሪቱ በአብዛኛው ገበያ ውስጥ የሌሉ የቀድሞ የብር ኖቶችን ተክተው አገልግሎት እንደሚሰጡ ተመልክቷል፡፡

ሶማሊያ የውጭ የብድር እዳዋን ለማቃለል በአለም አቀፍ የፋይናንስ ተቋማት የተቀመጠባት ቅድመ ሁኔታዎች አዲስ የብር ኖቶች ለማውጣት ያደረገችውን ጥረት አስተጓጉሎ ነበር ተብሏል፡፡

የሀገሪቱ መንግስት አዲስ የብር ኖቶቹ መቼ እንደሚታተሙ ይሄ ነው ብሎ ቀን እንዳልቆረጠም ተነግሯል፡፡

በተያያዘም ደቡብ ሱዳን በሀገሪቱ እየጨመረ የመጣውን የዋጋ ግሽበት ተከትሎ ከፍ ያለ ዋጋ ያላቸውን የብር ኖቶች በቅርቡ ልታትም መሆኑን ገልፃለች፡፡

‹‹ፓውንድ›› በሚል የሚጠራው የደቡብ ሱዳን ገንዘብ ውስጥ በተለይ 100 የብር ኖት ዋጋ እያጣ በመሆኑ በ500 ፓውንድ ሊተካ መሆኑን ተነግሯል፡፡

ደቡብ ሱዳን በሀገሪቱ ባለው የእርዕስ በርዕስ ጦርነት በከፋ የኢኮኖሚ ቀውስ ውስጥ ተዘፍቃ ትገኛለች፡፡

 

ምንጭ፦ሲጂቲኤን

 

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram