ስደተኛዋ ላም የሞት ውሳኔ ተላለፈባት

ከቡልጋሪያ ወደ ሰርቢያ ድንበር አቋርጣ የገባችው ክበድ ላም የሞት ውሳኔ ተላለፈባት ተብሏል።

ኮፒሎቭጺ በተባለችው የቡልጋሪያ መንደር ተኩላዎች የከብቶችን መንጋ ካስበረገጉ በኋላ ይህችው ላም ከመንጋዎቹ ተለይታ ቦሲለግራድ ወደ ተባለችው የሰርቢያ መንደር መግባቷም ነው የተገለጸው።

ከሚቀጥሉት 3 ሳምንታት በኋላ እንደምትወልድ እየተነገረላት ያለችው ይህችው ላም ከአካባቢው ከተሰወረች በኋላ ባለቤቶቿ በጥብቅ ሲያፈላልጓት የቆዩ መሆኑም ታውቋል።

ላሟ ቦሲለግራድ በተባለችው የሰርቢያ መንደር ነዋሪዎች እንክብካቤ ሲያደርጉላት የነበረ መሆኑን የሰሙ የላሟ ባለቤት ላማቸውን ወደ ሀገሯ ለመመለስ የሰርቢያ ግዛት ወደ ሆደሆነችው ቦሲለግራድ መንደር ማቅናታቸውም ነው የተገለጸው።

አሁን ላይ የላሟ ባለቤት ላሟን ይዘው ወደ ሀገራቸው የተመለሱ ቢሆንም ላሟን በቀናት ውስጥ ማስወገድ ያለባቸው መሆኑን ከወሰን ጠባቂዎች ትዕዛዝ መቀበላቸው ነው የተገለጸው።

በአውሮፓ ህብረት አባል ሀገራት ህግ መሰረት እንሰሳት ከአባል ሀገራቱ ውጭ ሲገቡ የመግቢያ ሰነድ የሚዘጋጅላቸውና በድንበር ተቆጣጣሪዎች ተረጋግጦ የሚገቡ መሆኑ ነው የተገለጸው።

የሰርቢያን ወሰን አቋርጣ ለሳምንታት ቦሲለግራድ መንደር የቆየችው ይህችው ላም የህብረቱ ሀገራት ባልሆነችው ሰርቪያ ለሳምንታት መቆየቷን ተከትሎና ይህን መስፈርት ሳታሟላ ወደ ቡልጋሪያ መመልሷም ነው የሞት ውሳኔ እንዲተላለፍባት አደረገ የተባለው።

ህጉ ድንበር ተሻጋሪ ገዳይ የእንሰሳት በሽታ ወደ አባል ሀገራቱ እንዳይገባና በሌሎቹ የሀገራቱ እንሰሳቶች ላይ እንዳይዛመት ለማድረግ የተደረገገ መሆኑን ዘገባው አመላክቷል።

በላሟ ላይ የሞት ውሳኔ የመተላለፉን ዜና የሀገሪቱ የመሀበራዊ ሚዲያዎች ሰፊ ሽፋን ከሰጡት በኋላ በመላው የአውሮፓ ሀገራት መነጋገሪያ ሆኗል ተብሏል።

አሁን ላይ የእንሰሳት መብት ተሟጋቾች የላሟን ህይወት ለመታደግ የፊርማ ድጋፍ እያሰባሰቡ ሲሆን፥ 9ሺህ 600 ያህል ሰዎች የፊርማ ድጋፍ መስጠታቸውም ነው የተገለጸው።

አንዳንድ የፖለቲካ ሰዎችም ጉዳዩ በልዩ ሁኔታ መታየት እንዳለበትና ላሟ በህይወት መቆየት ያለባት መሆኑን ሃሳብ ማቅረባቸውን ነው ዘገባው የሚያስረዳው።

 

 

 

ምንጭ፦ odditycentral.com

የተተረጎመው፦ በእንቻለው ታደሰ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram