ስትሮክን መከላከል የሚያስችል ውህድ መድሃኒት ተስፋ ሰጪ ውጤት አሳይቷል-ተመራማሪዎች

በዝቅተኛ ስትሮክ የተጠቁ ሰዎች ክሎፒዶግሬል እና አስፒሪን መድሃኒቶችን በማጣመር የሚወስዱ በ90 ቀናት ውስጥ ለሚከሰተው ከፍተኛ ስትሮክ የመጋለጥ እድልን እደሚቀንስ ተመራማሪዎች አስታወቁ።

በዚህ ጥናት በዝቅተኛው የስትሮክ በሽታ የተጋለጡ ክሎፒዶግሬል እና አስፒሪን ውህድ መድሃኒቶችን የወሰዱ 4 ሺህ 881 ወጣቶች የተሳተፉ ሲሆን፥ እነዚህ ሰዎች አስፒሪን ብቻ ከወሰዱ አንፃር ለከፍተኛው የስትሮክ አይነት ያላቸው ተጋላጭነት በ25 በመቶ ዝቅ እንዳለ ተረጋግጧል።

ጥናቱ በዝቅተኛው ስትሮክ የተያዙ ሰዎች ክሎፒዶግሬል እና አስፒሪን ውህድ መድሃኒቶችን ሲወስዱ በሶስት ወራት ውስጥ ለልብ በሽታ እና ከደም መርጋት ጋር ተያይዞ ለሚከሰት ሞት የነበራቸው ተጋላጭነት መቀነሱን አመልክቷል።

የክሎፒዶግሬል እና አስፒሪን ውህድ መድሃኒት ሰዎች ሲዎስዱ የደም መፍሰስ ቢያጋጥምም ከፍተኛውን የስትሮክ በሽታ ለመቆጣጠር እንደሚያስችል ጥናቱ እንዳረጋገጠ ተጠቁሟል።

በዝቅተኛው ስትሮክ የተጋለጡ ሰዎች ከሶስት እስከ 15 በመቶው በሶስት ወራት ውስጥ ለከፍተኛው የስትሮክ በሽታ እንደሚጋለጡ ነው የተገለፀው።

ስትሮክ ከአዕምሮ ጋር የሚያገናኘው የደም ስር በጊዜያዊነት በሚዘጋበት ወቅት የሚፈጠር በሽታ ነው።

ሆኖም የክሎፒዶግሬል እና አስፒሪን ውህድ መድሃኒት የወሰዱ ሰዎች አስፒሪን ብቻ ከወሰዱት አንፃር በተወሰነ መልኩ የደም መፍሰስ ችግር እንዳጋጠማቸው ተረጋግጧል።

በዚህም የክሎፒዶግሬል እና አስፒሪን ውህድ መድሃኒት የወሰዱ ከ1 ሺህ በላይ ሰዎች አስፒሪን ብቻ ከወሰዱ ሰዎች ተጨማሪ ከአምስት ጊዜ የበለጠ የደም መፍሰስ እንዳጋጠማቸው ጥናቱ አመልክቷል።

በጥናቱ ከተሳተፉት 4 ሺህ 881  ሰዎች መካከል 33 ለደም መፍሰስ እንተጋለጡ እና ግምሽ የሚሆኑትም የጨጓራ መቁሰል እንዳጋጠማቸው ተነግሯል።

ምንጭ፦ ሳይንስዴይሊ

Share your thoughts on this post