ሱዳን ከሰሜን ኮሪያ ጋር ያላትን ወታደራዊ ግንኙነት ማቋረጧን ገለጸች

ሱዳን ከሰሜን ኮሪያ ጋር ያላትን ወታደራዊ ግንኙነት ማቋረጧን ገለጸች።

የሱዳን የመከላከያ ቁሳቁሶች ማምርቻ ድርጅት አከሰሜን ኮሪያ ጋር የተፈራረማቸውን የውል ስምምነቶች ሙሉ በመሉ ማቋረጧን ገልጻለች።

ከዚህ በኋላም ሱዳን ከሰሜን ኮሪያ ጋር በቀጥታም ይሁን በተዘዋዋሪ ግንኙነት እንደማይኖራት የሱዳን ውጭ ጉዳይ ሚንስቴር ገልጿል።
ውሳኔው ካርቱም ፒያንግያንግ የኒውክሌር ፕሮግራሟን እንድታቋርጥ ከዓለም አቀፉ ማህበረሰብ እየተደረገ ያለውን ጫና የሚደግፍ መሆኑም ነው የተገለጸው።

ካርቱም የተመድ የጸጥታው ምክር ቤት በፒያንግያንግ ላይ የጣለውን ማዕቀብ ተፋፃሚነት የሚከታተል ሀገራዊ ኮሚቴ ማቋቋሟንም የውጭ ጉዳይ ሚኒስቴሩ መረጃ አመላክቷል።

አሜረካ ሱዳን ከሰሜን ኮሪያ ጋር ያላትን ግንኙነት እንድታቋርጥ እያደረገች ያለው ጫና እያደር እየበረታ መምጣቱንም ዘገባው አመላክቷል።

ላለፉት 20 ዓመታት አሜሪካ በሱዳን ላይ ጥላው የነበረውን ማዕቀብ ባሳለፍነው የፈረንጆቹ ጥቅምት ወር ያነሳች ቢሆንም ሀገሪቱ ከሰሜን ኮሪያ፣ ኢራንና ሶሪያ ጋር ባላት ግንኙነትና አሸባሪዎችን ትረዳለች በሚል ሰበብ አሁንም በጥርጣሬ መዝገብ ውስጥ ያሰፈረቻት መሆኑንም ነው የተገለጸው።

የማዕቀቡ መነሳት ለሱዳንና ለአጋሮቿ ኢኮኖሚ እድገት ጠቃሚ ቢሆንም አሁን ላይ የሀገሪቱ የኢኮኖሚ ግሽበት ያጋጠመው መሆኑም ተገልጿል።

ሱዳን ከሰሜን ኮሪያ ጋር የለኝን የውል ስምምነትና ግንኙነት አቋርጫለሁ ብትልም የስምምነቶችን ዝርዝር ሁኔታ እንዳልገለጸች ነው መረጃው የሚያመላክተው።

 

 

ምንጭ፦ aljazeera.com

የተተረጎመው፦ በእንቻለው ታደሰ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram