ሰፊ ቅንድቧ ታዋቂ የፋሽን ብሎገር ያደረጋት ወጣት

አብዛኞቹ ቆነጃጂቶች በውበታቸው ላይ ውበት ለመጨመር በተፈጥሮ ያገኙት የቅንድብ ጸጉራቸውን ሲቀንሱ ይስተዋላል።

ይሁን እንጂ አንዝሀሊካ ፕሮቶድያኮኖቫ የተባለቸው ሩሲያዊት ወጣት የቅንድብ ጸጉር ግንባሯን በከፊል የሚሸፍን ሲሆን፥ ከዚህ የበለጠ የማሳደግ ፍላጎት አላት ተብሏል።

ይህችው ወጣት በተፈጥሮ የታደለችው ሰፊ የቅንድብ ጸጉር የፋሽን ብሎገር ለመሆን እንዳስቻላትም ነው የተገለጸው።

በዚህም ወጣቷ ከ90ሺህ በላይ የኢንስታግራምና 10 ሺህ ያህል የማህበራዊ ሚዲያ ተከታይ ያላት ሲሆን፥ የተለያዩ መገናኛ ብዙሃንም ለተለያዩ ሾዎች እየጋበዟት መሆኑ ታውቋል።

ወጣቷ የተለያዩ መዋቢያና ለጤና አገልግሎት የሚውሉ ውጤቶችን በማህበራዊ ሚዲያ ገጿ ከማስተዋዎቅ በምታገኘው ገቢ እራሷን እንደምታስተዳድርም ነው ዘገባው ያመላከተው።

ፕሮቶድያኮኖቫ የዛሬ 7 ዓመት የአውቶቡስ ጉዞ ላይ እንዳለች በሰፊ ቅንድቧ የተመሰጡት ሴት ፎቶቿን በመውሰድና በማህበራዊ ሚደያ ገፃቸው ከለቀቁ በኋላ ፎቶዎች ሰፊ የማህበራዊ ሚዲያ ተመልካች ማግኘታቸው ወጣቷን ለፋሽን ብሎገርነት ያበቃት እንደሆነም ነው የተገለጸው።

አሁን ላይም ግንባሯን በከፊል የሸፈነው ቅንድቧን የሚያሳዩ ፎቶወቿን በማህበራዊ ሚዲያ እየለቀቀች ያለችው ይህችው ወጣት ፎቶወቿ ከፍተኛ ተመልካችና አድናቂዎችን እዳተረፉላት ነው የተገለጸው።

በዚህም በሀገሯ ታዋቂ የኦን ላይን የፋሽን ብሎገርና የማህበራዊ ሚዲያ ኮከብ ለመሆን መብቃቷ ታውቋል።

የፋሽን ብሎገሯ ወጣት እውቅና ድንበር ተሻጋሪና ሌሎች ታዋቂ የፋሽን ብሎገሮችን ትኩረት እየሳበ ሲሆን፥ በተፈጥሮ ያልተለመዱ ክስተቶችን የሚያስተናግዱ ሁሉ በተመሳሳይ መልኩ ታዋቂ ሊሆኑበት እንደሚችሉ ዘገባው አስረድቷል።

 

ምንጭ፦ odditycentral.com

የተተረጎመው፦ በእንቻለው ታደሰ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram