ሰሞኑን ከአዲስ አበባ አዳማ መውጫ ላይ የተያዙ ከ28 ሚሊየን ብር በላይ የሚገመቱ የተለያዩ ሀገራት ገንዘቦች ለመንግስት ገቢ ተደረጉ

ከሳምንት በፊት ከአዲስ አበባ ወደ አዳማ መውጫ ላይ የተያዙ ከ28 ሚሊየን ብር በላይ የሚገመቱ የተለያዩ ሀገራት ገንዘቦች ለመንግስት ገቢ መደረጋቸውን የኢትዮጵያ ገቢዎችና ጉምሩክ ባለስልጣን ገለፀ።

በባለስልጣኑ የቃሊቲ ጉምሩክ ቅርንጫፍ ፅህፈት ቤት የህግ ማስከበር ዘርፍ ምክትል ኃላፊ አቶ ዓለማየሁ አንቺቾ ለፋና ብሮድካስቲንግ ኮርፖሬት እንደተናገሩት፥ ገንዘቦቹ በሁለት ግለሰቦች ተይዘው ሊወጡ ሲሉ ነው የተያዙት።

በአጠቃላይ 765 ሺህ 234 የአሜሪካ ዶላር፣ 144 ሺህ 650 የአረብ ኤሚሬቶች ድርሃም፣ 908 ሺህ 167 የሳዑዲ ሪያል እና 7 ሺህ 538 የኩዌት ዲናር ናቸው የተያዙት።

ግለሰቦቹ በቁጥጥር ስር ውለው ጉዳያቸው በህግ እየታየ መሆኑን እና የተያዘው ገንዘብ ዛሬ ለመንግስት ገቢ መደረጉን አቶ ዓለማየሁ ገልፀዋል።

 

በታሪክ አዱኛ – ኤፍ.ቢ.ሲ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram