ሰሜን ኮሪያ ከደቡብ ኮሪያ ጋር ዛሬ ልታደርግ የነበረውን ውይይት ሰረዘች

ሰሜን ኮሪያ ከደቡብ ኮሪያ ጋር በከፍተኛ ባለስልጣናት ደረጃ ዛሬ ልታደርግ የነበረውን ውይይት መሰረዟን አስታወቀች፡፡

ውይይቱን የሰረዘችው አሜሪካና ደቡብ ኮሪያ እያደረጉት ባለው ዓመታዊ ወታደራዊ ልምምድ አማካኝነት ነው ተብሏል፡፡

እንዲሁም በመጪው ሰኔ ወር ይካሄዳል ተብሎ ቀጠሮ የተያዘለት የኪም ጁንግ ኡንና የዶናልድ ትራምፕ ውይይትም ልትሰርዝ እንደምትችል አስጠንቅቃለች፡፡

የዋይት ሃውስ ቃልአቀባይ ሄዘር ናዋርት ከሰሜን ኮሪያ በኩል ውይይቱን በተመለከተ የደረሰን ነገር የለም ብለዋል፡፡

ሆኖም ሰሜን ኮሪያ ሁለቱ ሀገራት በአየር መቃወሚያና በቢ-52 ቦንብ ጣዮች በመታገዝ እያደረጉትየሚገኘውን ልምምድ ክፍኛ አስቆጥቷታል፡፡

ይህንንም ተከትሎ ሀገሪቷ ውይይቱን ከመሰረዝ ውጪ ምንም ምርጫ አላገኘሁም ያለች ሲሆን፥ የአሜሪካ የጸጥታ አማካሪ የሆኑትን ጆን ቦልተንንም ወቅሳለች፡፡

ኪም በመግለጫቸው ከፍተኛ ተስፋ ቢኖረንም የአሜሪካ ጸብአጫሪነት ቀጥሏል በመሆኑም በመጪው ሰኔ ወር ልናካሂደው የነበረውን ስብሰባ በድጋሚ እናየዋለን ብለዋል፡፡

ሆኖም ሰሜን ኮሪያ ይህ የአሁኑ ልምምድ እንደ ቀደምቶቹ ጸባአጫሪ ነው ብትልም ባለፉት ጊዜያት ከተስማማችባቸው ጉዳዮች አንደኛው ነበር፡፡

እዚህ ያልተጠበቀ ውሳኔ ላይ ልትደርስ የቻለችው ምናልባትም ሀገሪቱን ከኒውክሌር ነጻ ስታደርግ በምላሹ ምንም ያለማግኘታ አሳስቧት ሊሆን ይችላል እያሉ ይገኛሉ ተንታኞች፡፡

ምንጭ፦ ቢቢሲ

Share your thoughts on this post