ሩዋንዳ አርሴናልን በ2018/19 የውድድር ዘመን ስፖንሰር ለማድረግ ተስማማች

የእንግሊዝ ፕሪሚየር ሊግ ክለብ የሆነው አርሴናል “Visit Rwanda” የሚል የእጅጌ ፅሁፍ የታተመበት ማስታወቂያ በማሊያው ላይ ለማሳተም ከሩዋንዳ ጋር ውል መፈራረሙን ገለፀ።

የሩዋንዳ የቱሪዝም ባለስልጣን የስራ ሃላፊዎችም የስፖንሰር ስምምነቱን ከክለቡ ጋር ተፈራርመዋል።

የሀገሪቱ ፕሬዚዳንት ፖልካጋሜ የአርሴናል ደጋፊ መሆናቸውን ተከትሎ ከክለቡ ጋር የስፖንሰር አጋርነት መፍጠራቸው እንደማያስገርም ብዙዎች እየተናገሩ ነው።

ሩዋንዳን ይጎብኙ “Visit Rwanda” የሚለው የሀገሪቱ መለያ ማስታወቂያ በአርሰናል ክለብ ሁሉም የቡድን አባላት ማሊያ እጅጌ ላይ ታትሞ እንዲለብሱት ይደረጋል ነው የተባለው።

የአርሴናል ከፍተኛ የገበያ ባለሙያ ቪናይ ቬንካቴሻም ሩዋንዳ የቱሪዝም ኢንዱስትሪዋን ለማሳደግ ባላት ፍላጎት ላይ እኛ አጋር እንድንሆን ማድረጓ አስደናቂ የስፖንሰር አጋርነት ነው ብለዋል።

ሀገሪቱ ራሷን የቱሪዝም መዳረሻ ለማድረግ ከፍተኛ የማስተዋወቅ ስራ ላይ ናት።

በሌላ ዜና አርሴናል የቀድሞው የፓሪስ ሴንት ጀርሜይን አሰልጣኝ የነበሩትን ኡናይ ኤምሬይን በአሰልጣኝነት ሹሟል፡፡

ምንጭ፡-ቢቢሲ

Share your thoughts on this post