ሞባይል የአደጋ ጊዜ መከላከያ ወይንም ኤይርባግ ተሰራለት

ስልኬ መሬት ላይ ይከሰከሳል ብለው ሰግተው ያውቃሉ? ይህንን ስጋት የተረዳው በአለን ዩኒቨርስቲ ውስጥ የሁለተኛ ዲግሪ ተማሪ የሆነው ፍሊፕ ፍሬንዘለ የተባለው ጀርመናዊ ታዲያ ለዓለም አዲስ ነገር አበርክቷል፡፡

አዲስ የሰራት የስማርት ስልክ የአደጋ መከላከያ ‘’ሞባይል ኤይርባግ’’ በማለት ይጠራታል፤ ሐሳቡ ልክ አንድ መኪና በግጭት ወቅት የሰውን ህይወት ለማትረፍ የሸሸገውን ኤይር ባግ በመለቀቅ እንደሚከላከለው ዓይነት ነው ተብሏል፡፡

የ25 ዓመቱ ፍሊፕ ይህንን ዲዛይን ለመስራት አራት ዓመታት እንደፈጀበት ተናግሯል፡፡

ፍሊፕ በሞባይሉ አራት የጠርዙ ጫፎች ላይ ነው ኤይርባጉን የሰካው በሚወድቅበት ሰዓት መረጃዎችን የሚሰበስብ ጠቋሚ ወይንም ሴንሰር የተገጠመለት ሲሆን ከመውደቁ በፊት ከተሸሸጉበት በመውጣት ይዘረጋሉ ተብሏል፡፡

በአራቱም አቅጣጫዎች የሚዘረጋው መከላከያ ጫፎቹቻቸው እንደባላ ሆነው ወደ ስልኩ ጀርባና ወደ ስክሪኑ የተጣመሙ ናቸው፤ ይህም በሁለቱም አቅጣጫ ሞባይሉን እንዳይጎዳ ያደርገዋል ብሏል ፍሊፕ፡፡

ይህ አዲስ የተሰራው ፈጠራ መቶ በመቶ ሞባይልን ከአደጋ አይጠብቅም ተብሏል፡፡

የኢንጅነሪንግ ተማሪው ፍሊፕ ፈጠራ ገና ወደ ገበያ አልገባም በቅርቡ ግን ወደ ተጠቃሚው ሊደርስ እንደሚችል ተስፋውን ገልጿል፡፡

ምንጭ፦ፎክስኒውስ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram