fbpx

ምጽዋ የኢትዮጵያን ወጪና ገቢ ንግድ ለማስተናገድ ዝግጁ መሆኑ ተገለፀ

ኤርትራ በምጽዋ ወደብ በኩል የኢትዮጵያን ወጪና ገቢ ንግድ ለማስተናገድ መዘጋጀቷ ተገለፀ።

የወደቡ አስተዳዳሪ አቶ ላይኔ አስፋሃለይ ፥የምጽዋ ወደብ አገልግሎቱን ለመስጠት የሚያስችል አስፈላጊ እድሳት ተደርጎለት ዝግጁ እንደሆነ ተናግረዋል።

በመጀመሪያው የኢትዮጵያ አየር መንገድ በረራ ወደ ኤርትራ ያቀናው የኢትዮጵያ ልዑክ ወደቡ ያለበትን ሁኔታ ጎብኝቷል።

በዚሁ ወቅት የወደቡ አስተዳደሪ ምጽዋ እንደገና የኢትዮጵያን ወጭና ገቢ ንግድ ለማስተናደግ መታደሱን ጠቁመዋል።

በስፍራው ተግኝተው የነበሩት የቀድሞ የኢትዮጵያ የንግድና ዘርፍ ማህበራት ፕሬዚዳንት አቶ ሰለሞን አፈወርቂ ወደቡ ሁለቱም አገሮች በኢኮኖሚው ረገድ መተጋገዝ የሚችሉበት ትልቅ ዕድል አለው ብለዋል።

ኢትዮጵያውያን ባለሃብቶችም ወደቡን ለመጠቀም መዘጋጀታቸውን የተናገሩ ሲሆን፥ ከረዥም ጉዞና ተጨማሪ ወጭ እንደሚታደጋቸው ነው የተናገሩት።
የምጽዋ ወደብ ለሰሜኑ የሀገሪቱ ክፍል ደግሞ ልዩ ጥቅም እንደሚኖረው ተጠቁሟል።

የምጽዋ ወደብ በ19ኛው ክፍለ ዘመን በቅኝ ገዥዎች የተመሰረተ ሲሆን ከአሰብ ቀጥሎ ሁለተኛው የኤርትራ ወደብ ነው።

የሁለቱ አገሮች ድንበር እኤአ በ1998 በጦርነት ምክንያት እስከሚዘጋ ድረስም ለኢትዮጵያ ወጭና ገቢ ንግድ ትልቅ አገልግሎት ሲሰጥ የነበረ ወደብ እንደሆነ ይታወሳል።

ምንጭ፥ ኢዜኣ

Share your thoughts on this post
%d bloggers like this:
Visit Us On TwitterVisit Us On YoutubeVisit Us On Instagram