fbpx

መንግስት ከ300 ለሚበልጡ የፌደራል የህግ ታራሚዎች ይቅርታ አደረገ

የኢፌዴሪ መንግስት ከ300 ለሚበልጡ የህግ ታራሚዎች ይቅርታ አደረገ።

የመንግስት ኮሙዩኒኬሽን ጉዳዮች ፅህፈት ቤት ለፋና ብሮድካስቲንግ ኮርፖሬት እንደገለፀው፥ ይቅርታ ከተደረገላቸው ታራሚዎች መካከል 289 የሚሆኑት በሽብር ወንጀል ተከሰው የተፈረደባቸው ናቸው።

ዛሬ በይቅርታ እንዲለቀቁ ከተወሰነላቸው መካከል ዘጠኙ የሞት ቅጣት ተፈርዶባቸው የነበሩ ሲሆን፥ ሦስቱ በልዩ ልዩ ወንጀሎች እንዲሁም ሦስቱ ደግሞ የውጭ ሀገር ዜጎች ናቸው ተብሏል።

ይቅርታ ከተደረገላቸው አብዛኛዎቹ ታራሚዎች የአካል ጉዳት ያለባቸው እንዲሁም የረጅም ጊዜ የጤና እክል የገጠማቸው እንደሆኑም ተገልጿል።

የይቅርታ ስነስርዓቱ እስከ ክልሎች እንደሚቀጥል የተገለፀ ሲሆን፥ ዛሬ ይቅርታ የተደረገላቸው ታራሚዎች ከዛሬ ጀምሮ አንደሚፈቱም ተገልጿል።

 

በአልአዛር ታደለ

Share your thoughts on this post
%d bloggers like this:
Visit Us On TwitterVisit Us On YoutubeVisit Us On Instagram