ሎሚ እና ጠቀሜታዎቹ

ሎሚ ለጤና እጅጉን ጠቃሚ ከሆኑ ፍራፍሬዎች አንዱ ነው።

በቫይታሚን ኤ፣ ቫይታሚን ቢ6፣ ቫይታሚን ሲ፣ ቫይታሚን ኢ፣ ፎሌት፣ ኒያሲን፣ ካልሺየም፣ ማግኒዢየም፣ ብረት፣ ፖታሺየም፣ ፎስፈረስ፣ ፕሮቲን እና ሌሎችም ንጥረ ነገሮች የበለጸገ ነው።

በውስጡ ያሉ ንጥረ ነገሮች ካንሰርና የስኳር ህመምን ለመከላከልና ለመዋጋት ይችላሉ፤ ከዚህ ባለፈም ከፍተኛ ትኩሳት፣ የምግብ አለመፈጨትን ለማስተካከል፣ የደም ግፊትን ለመቆጣጠር፣ ለቆዳ፣ ጸጉርና ጥርስ ጤንነትም እጅጉን ይረዳል።

የህክምና ባለሙያዎች ደግሞ የሎሚን በርካታ የጤና ጠቀሜታዎች ይዘረዝራሉ፤

ለስርዓተ ምግብ መፈጨት፦ የሎሚ ጭማቂን ከውሃ፣ ጥቂት ጨው እና ማር ጋር ቀላቅሎ በመጠጣት የስርዓተ ምግብ መፈጨት ሂደትን ማስተካከል ይቻላል።

ይህን ምናልባት ከበድ ያሉ ምግቦች ከተመገቡ በኋላ ቢጠቀሙበት ይመከራል።

ትኩሳትን ለማከም፦ ጉንፋን የተያዘ ሰው የሎሚ ጭማቂን በዛ አድርጎ ከውሃ ጋር ቢጠቀም ከጉንፋኑና ጉንፋኑን ተከትሎ ከተከሰተው ትኩሳት በላብና በሙቀት መልክ እንዲፈወሱ ያስችልዎታል።

ለጥርስ ጤንነት፦ በጥርስና ድድ ህመም የሚቸገሩ ሰዎች ትኩስ ሎሚ በመላጥ የተጎዳው ቦታ ላይ በማድረግ የድድ መድማትንም ሆነ ህመሙ የሚፈጥረውን ስሜት መቀነስ ይችላሉ።

በዚህም በባክቴሪያ ሳቢያ ሊከሰት የሚችልን ተጨማሪ ጉዳትና መጥፎ የአፍ ጠረን ማስወገድም ይቻላል።

ለፀጉር ክብካቤ፦ የሎሚ ጭማቂን የራስ ቅልን በመቀባት እንደ ፎረፎር እና የፀጉር መነቀል አጋጣሚዎችን ለማስወገድ ያግዛል።

እርስዎም በዚህ ችግር የሚጠቁ ከሆነ አንድ ተለቅ ያለ ሎሚን በመላጥ ጭማቂውን መጠቀም ይችላሉ።

ለቆዳ ጤንነት፦ የሎሚ ጭማቂ የቆዳ መሸብሸብንና ቆዳ ላይ የሚወጡ ጥቁር ነጠብጣቦችን በማስወገድ የቆዳ ጤንነትን ለመጠበቅ ይረዳል።

ለዚህም ሎሚውን ልጦ በማዘጋጀት ቆዳን መቀባት አልያም ጭማቂውን ጥቂት ማርና ውሃ ጋር በመቀላቀል መጠጣት።

ቁስልን ለማከም፦ በሆነ አጋጣሚ የተጎዳ የሰውነት ክፍል ላይ ባለ ቁስል ላይ የሚከሰትን የማቃጠል ስሜት ለማከምና ለማስታገስም ያስችላል።

ለዚህም የሎሚ ጭማቂውን በተጎዳው ክፍል ላይ በማድረግ የህመሙን ስሜት ለመቀነስና በተጎዳው ቦታ ላይ ጠባሳ እንዳይኖር ማድረግ ይቻላል።

ውስጣዊ የደም መፍሰስን ለመከላከል፦ የሎሚ ጭማቂ በሰውነት ውስጥ የሚከሰትን የደም መፍሰስ ለመከላከል እጅጉን እንደሚረዳ ባለሙያዎች ይናገራሉ።

ሎሚ በተፈጥሮው ፀረ ባክቴሪያና ፀረ ጀርም በመሆኑም ይህን ጥቅም በቀላሉ ማግኘት ይቻላል።

ምናልባት ከነሰረዎት በጥጥ ነገር ላይ ጥቂት የሎሚ ጭማቂ ጠብ በማድረግ መድማቱን ማስቆምም ይችላሉ።

ክብደት ለመቀነስ፦ ለብ ያለ ውሃ እና ጥቂት ማር ከሎሚ ጭማቂ ጋር ቀላቅሎ በመጠቀም ይህን ጥቅም ማግኘት ይቻላል።

ከመተንፈሻ አካላት ላይ የሚከሰት ችግርን ለመቀነስ፦ጭማቂውን ደጋግሞ በመጠጣት ከመተንፈሻ አካል ጋር ተያይዞ የሚመጡ የጤና እክሎችን ማከምና ማስወገድ ይቻላል።

አተት እና ወባን ለመከላከል፦ ሎሚ በውስጡ ያሉ ንጥረ ነገሮች ደምን በደንብ እንዲያጣራ ያግዙታል በዚህ ሳቢያም እንደ ወባና አተት ያሉ የጤና እክሎች ለመቅረፍ ያስችለዋል።

የጉሮሮ መመርቀዝ (ኢንፌክሽን) ለመከላከል፦ ሎሚ የጉሮ መመርቀዝን ለመከላከል እጅጉን ይረዳል፤ ለዚህም የሎሚ ጭማቂውን በሻይ አልያም ከውሃ ጋር ቀላቅሎ መጠጣት።

የደም ግፊትን ለመቆጣጠር፦ በውስጡ ፖታሺየም ከመያዙ አንጻር የሎሚ ጭማቂ በልብና ተያያዥ የጤና እክሎች ለተጠቁ ሰዎች ይመከራል።

ከፍተኛ የደም ግፊትን ለመቆጣጠር፣ የእይታ መደብዘዝና መንገዳገድን ለማስወገድ፣ ማስታወክን ለማከም እንዲሁም ጭንቀትና ተያያዥ ችግሮችን ለማስወገድም እጅጉን ያግዛል።

በርካታ ጠቀሜታዎች ያሉትን ሎሚን በመጠቀም ጤንነትዎን ይጠብቁ።

 

 

ምንጭ፦ organicfacts.net

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram