ልጃቸውን በወለዱ 21 ሰዓታት ውስጥ በተማሪዎች የኮሌጅ ምረቃ ፕሮግራም ላይ የተገኙት እናት

በሚኒሶታ ዜናብ የተባሉት እናት 2ኛ ሴት ልጃቸውን በተገላገሉ 21 ሰዓታት ውስጥ የኮሌጅ የተማሪዎች ምረቃ ስነ ስርዓት ላይ መገኘታቸው ተገልጿል።

አሁን ላይ ልጂም ጤና እናትም ደህና መሆናቸውን ያስነበበው ዘገባው የ26 ዓመቷ ዜናብ አብደላ ከተገላገሉ 21 ሰዓት በኋላ የ2ኛ ዲግሪ ዲፕሎማቸውን ለመውሰድ የተማሪዎች የኮሌጅ ምረቃ ስነ ስርዓት ላይ ተገኝተዋል ተብሏል።

ዜናብ ከቤተሰቦቻቸው መካከል በትመህርት ከዚህ ደረጃ ለመድረስ የበቁት ብቸኛ ሴት በመሆናቸው ከምርቃ ስነ ስርዓቱ ላይ ላለመቅረት እንዲወስኑ ማድረጉም ነው የተገለጸው።

ዜናብ ከፓርክ ኒኮሌት ሜቶዲስት ሆስፒታል የእናቶች ክፍል ወዲያውኑ እንደወጡ ወደ ምረቃ ስነ ስርዓቱ ማቅናታቸው ነው የተገለጸው።

እኚሁ እናት የ2ኛ ዲግሪ ዲፕሎማቸውን ለመውሰድ ለ2 አመታት ያህል ትምህርታቸውን በቅዱስ ቶማስ ዩንቨርሲቲ ሲከታተሉ የቆዩ ሲሆን፥ መጨረሻ እስከ ተገላገሉበት ቀን ድረስ እርግዝናቸው ትመህርታቸውን ከማሳካት ያላገዳቸው መሆኑን ነው ዘገባው የሚያመላክተው።

ዜናብ በፈረንጆቹ 2006 ከሶሪያ ወደ አሜሪካ ያቀኑና ቀን ቀን በራሳቸው የህጻናት ማቆያ እየሰሩ ማታ ማታ ትምህርታቸውን የተከታተሉ ሲሆን፥ ከህፃን ማቆያ ስራው ጋር በእየቀኑ የቤት ስራዎችና የቡድን ስራዎችን ተከታትሎ መስራት አድካሚ እንደነበረ ገልጸዋል።

ዜናብ ልጃቸውን ከተገላገሉ 21 ሰዓት በኋላ ወደ ኮሌጁ የተማሪዎች የምረቃ ስነ ስርዓት መሄድ ዶክተራቸውም ይሁን ቤተሰቦቻቸው በአግራሞት የተመለከቱት ቢሆንም ያለመቃዎማቸው የተገለጸ ሲሆን፥ የ50 አመቷ የዜናብ እናት ግን በልጃቸው ያልተለመደ ተግባር ግራ መጋባታቸው ነው የተገለጸው።

ዜናብ ለተወሰኑ ወራት ከልጃቸው ጋር ቆይታ ጋደረጉ በኋላም የዶክትሬት ዲግሪያቸውን የመቀጠል ፍላጎት ያላቸው መሆኑንም ገልጸዋል ነው የተባለው።

 

 

ምንጭ፦ foxnews.com

የተተረጎመውና የተጫነው፦ በእንቻለው ታደሰ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram