«ልብ ብለው ያንብቡት» ጠቃሚ አስተማሪ ፅሁፍ ነው

አንድ ቀን አንድ ወጣት ወደ አንድ አገር ለመሄድ በጉዞ ላይ ሳለ ምሽት አሸነፈውና በጅብ ከመበላት ብሎ ከፊት ለፊቱ የምትታየው ትንሽ መንደር አመራ ከመንደሩ ደርሶ “የመሸብኝ እንግዳ ነኝ አሳድሩኝ?” ሲል ይማፀናል። የቤቱን ባለቤት ደግ ሰውና እንግዳ ተቀባይ ነበርና “ይግቡ” በማለት እንግዳውን ወደ ጠባብ እልፍኙ ይጋብዘዋል ። ወጣቱም ወደ ቤት ገብቶ ትንሽ እንዳረፈ ለእግሩ ውሀ ተሰጥቶት ከታጠበ ብኋላ እራት ይቀርብለትና ይበላል።

የቤቱ ጌታ ለወጣቱ ልጅ መኝታ ሲያስብ የመኝታ ቦታ ስለሌለ ትንሽ ጊዜ ያስብና አንድ ሀሳብ ይመጣለታል ። ይህም ሃሳብ ሌላ አማራጭ ስለሌለው ከልጃገረድ ልጁ ጋር እንዲተኛ ይወስናል ። “እንግዳው ልጄ እዚህ አልጋ ላይ ከልጄ ጋር ተኛ” ይለውና አልጋውን ሁለት ቦታ በትራስ ይከፋፍልና ያስተኛዋል።

እንግዳው ልጅም በተመደበለት ቦታ አንድ ጊዜ እንኳን ሳይንቀሳቀስ ለሊቱ ነጋ ። ጠዋት ቁርስ በልቶ ከቤት ተሰናብቶ መንገዱን ሲቀጥል ማታ አብሯት የተኛችው ልጅ አበባ ስትኮተኩት በአጥር ያያታትና “እህት መሄዴ ስለሆነ በአጥር ዘልየ ልሰናበትሽ” ሲላት ትሰበራለህ ስትለው “ግድ የለሽም አልሰበርም” ይላታል።

ልጅቱም “እህ ማታ ትራስ መዝለል ያቃተህ አሁን እንዴት አጥር ልዝለል ትላለህ?” ትለዋለች

አንዳንድ ሰዎች አለመቻልና መተው ሲደባለቅባቸው አያለሁ። መተው አለመቻል አይደለም። ሰው የቻለውን ሁሉ አያደርግም ማድረግ ያለበትን ብቻ ነው ማድረግ ያለበት። የሚችለው ነገር ቢሆን እንኳ ማድረግ ከሌለበት ይተወዋል። ያቅተዋል ሳይሆን ይተወዋል ብሎ ይመልስላታል።

ምን ለማለት ፈልጌ ነው ያ እንግዳ አክባሪ ሰው ያሰመረው ትራስ የእምነት መስመር ነው ። የመታመን አጥር ነው ። አጥሩ ይርዘምም ይጠር ብቻ ታጥሯል ። ያንን አጥር ማክበር የእምነት ወሰንን አለማለፍ እንጂ አለመቻል አይደለም።

• ሰው መጮህ ስለቻለ ዝም ብሎ አይጮህም፣ ሰው መሳቅ ስለቻለ ያለ ምክንያት አይስቅም፣ ሰው መልበስ ስለቻለ ያገኜውን አይለብስም . . ራሱ በተረዳውና ባመነበት መንገድ መስመር ያበጃል። ካሰመረው መስመር ላለማለፍ የሚችለውንም ይተዋል ማድረግ ስላልቻለ አይደለም መስመር ማለፍ ስላልፈለገ ነው እንጂ!

Share your thoughts on this post

  • በህዳሴ ግድብ ሁለት ተርባይኖች በመጪው መስከረም ኃይል ለማመንጨት ዕቅድ አለ

    ዮሐንስ አንበርብር – ሪፖርተር የታላቁ ኢትዮጵያ ህዳሴ ግድብ ሁለት ተርባይኖች በመጪው መስከረም 2011 ዓ.ም. ኃይል እንዲያመነጩ ዕቅድ መያዙን ምንጮች ለሪፖርተር ገለጹ። የሪፖርተር ምንጮች እንደገለጹት የሁለቱን ተርባይኖች ተከላ ለማጠናቀቅ የመጨረሻ ደረጃ ላይ ተደርሷል፡፡ በመሆኑም በመስከረም ወር 2011 ዓ.ም.ተርባይኖቹ ኃይል ማመንጨት እንዲጀምሩ ዕቅድ ተይዟል። ሁለቱን ተርባይኖች ለማስጀመር ግድቡን በውኃ መሙላት የሚጠይቅ አለመሆኑን የገለጹትምንጮች፣ ግንባታው እየተከናወነ ተርባይኖቹ ኃይል ማመንጨት እንዲችሉ የሚያስፈልገውን የውኃ መጠን ማግኘት እንዲቻል ተደርጎ የግንባታ ዲዛይኑመሠራቱን ገልጸዋል። ግድቡ በአጠቃላይ 16 ተርባይኖች ሲኖሩት፣ በቅድሚያ ኃይል እንዲያመነጩ የታቀዱት ሁለቱ ተርባይኖች እያንዳንዳቸው 375 ሜጋ ዋት የማመንጨት አቅምአላቸው። በመሆኑም በመጪው መስከረም አገሪቱ ተጨማሪ 750 ሜጋ ዋት ኤሌክትሪክ ኃይል ስለምታገኝ፣ ይህም ጣና በለስና ተከዜ የኃይል ማመንጫግድቦች ተደምረው በአሁኑ ወቅት ከሚያመነጩት የኤሌክትሪክ ኃይል መጠን እንደሚበልጥ አስረድተዋል። ግድቡ ሲጠናቀቅ 6,450 ሜጋ ዋት የኤሌክትሪክ ኃይል የማመንጨት አቅም እንደሚኖረው፣ ይህም አሁን በአገሪቱ ያለውን ኤሌክትሪክ የማመንጨት አቅም ወደ11 ሺሕ ሜጋ ዋት ኃይል ያሳድጋል ተብሎ ይጠበቃል። የህዳሴው ግድብ በኢትዮጵያ የኤሌክትሪክ ኃይል ዘርፍ ላይ ትልቅ ሚና እንደሚኖረው፣ የአገሪቱን የኃይል ሥርጭት ከ41 በመቶ ወደ 75 በመቶ እንደሚያደርስምጥናቶች ያመለክታሉ፡፡ የህዳሴ ግድቡ 74 ቢሊዮን ኪዩቢክ ሜትር ውኃ የሚይዝ በመሆኑ፣ ከዓባይ ተፋሰስ አገሮች በበለጠ ለዘመናት በብቸኝነት የወንዙ ተጠቃሚ የሆነችው ግብፅየውኃ ድርሻዋ እንዳይቀንስባት ሥጋቷን እየገለጸች ነው፡፡ ኢትዮጵያ የዓባይን ወንዝ ጥቅም ላይ ለማዋል ስትነሳም ሆነ እስካሁን የምታስረዳው በሌላ የተፋሰሱ ተጠቃሚ አገር ላይ ጉልህ ጉዳት ያለማድረስ መርህንነው፡፡ የግድቡን የውኃ አያያዝና አለቃቀቅ የተመለከተ ጥናትም በገለልተኛ አጥኚ ቡድን እንዲካሄድ መወሰኗም ይታወቃል። ላለፉት ሁለት ዓመታት በህዳሴ ግድቡ የውኃ አሞላልና አለቃቀቅ ጉዳይ ውይይቱ አሁንም እንደ ቀጠለ ሲሆን የኢትዮጵያ፣ የግብፅና የሱዳን ባለሙያዎችከመጋቢት 26 ቀን 2010 ዓ.ም. ጀምሮ በሱዳን ምክክር በማድረግ ላይ ነበሩ፡፡ የውይይቱ ውጤት በአጭር ጊዜ ውስጥ ለሦስቱም አገሮች መሪዎችእንደሚቀርብ ይጠበቃል።   Share your thoughts […]

  • ቀዳማዊት እመቤት ወ/ሮ ዝናሽ የትምህርት ቤት ምገባ ፕሮግራምን በትምህርት ቤቶች ተገኝተው ጎበኙ

    የኢፌድሪ ቀዳማዊት እመቤት ወይዘሮ ዝናሽ ታያቸው የትምህርት ቤት ምገባ ፕሮግራምን በተወሰኑ ትምህርት ቤቶች ተዘዋውረው ጎብኝተዋል። ለተማሪዎች ምቹ የትምህርት ሁኔታና አካባቢ […]

  • በህገ ወጥ መንገድ በመተማ በኩል ሀገር ውስጥ ሲገቡ የነበሩ 58 ክላሽ እንኮቮች ተያዙ

    በመተማ በኩል ህገ ወጥ መሳሪያዎች በተለያዩ ቀናት ወደ ሀገር ውስጥ ሊገቡ ሲሉ በቁጥጥር ስር ዋሉ። በህገ ወጥ መንገድ ወደ ሀገር […]

  • Gumma Ethiopian Movie Award full Video 2018

    Share your thoughts on this post Share on FacebookShare on TwitterShare on Google+Share on LinkedinShare on PinterestShare on XingShare on […]