ሌሎች ሰዎች ሲኮረኮሩ ሳቃቸውን መቆጣጠር የማይችሉት ሴት

የሰዎችን የውስጥ እግር፣ አንገትና የእጅ እና የትክሻ መለያያ አካባቢ በስሱ ሲነካኩ መሳቅ የተለመደ ነው።

በእርግጥ ሰዎቹ ለእነዚህ የሰውነት ንክኪዎች ሲጋለጡ የሚሰማቸው ስሜት የአንዱ ከአንዱ ሊለያይ ይችላል።

የሳንዲያጎ ካሊፎርኒያ ዩንቨርሲቲ ተመራማሪዎች ግን ሌሎች ሲኮረኮሩ ሲያዩ ሳቃቸውን መቆጣጠር የማይችሉ ሴት ማግኘታቸውን ገልጸዋል ተብሏል።

በዘገባው ቲሲ የተባለ ስያሜ የተሰጣቸው ሴት ክስተት አዲስና ያልተለመደ በመሆኑ ተመራማሪዎቹ ሴትዮዋን ለመርዳትና ክስተቱን ለማረጋገጥ ምርምር እያደረጉ መሆኑም ተገልጿል።

በዚህም ሴትዮዋ የሌሎች ስሜትን እንደ እራሳቸው አድርገው እንዲሰማቸው የሚያደርግ ‘‘ሚረር ተች’’ ለተባለ ችግር የተጋለጡ እንደሆነ ነው የተገለጸው።

ይህንንም ለማረጋገጥ የካሊፎርኒያው ሳንዲያጎ ዩንቨርሲቲ ተመራማሪዎች የተለያዩ ሙከራዎች እያደረጉ እንደሆነ ነው ዘገባው የሚያስረዳው።

በዚህም ሴትዮዋ የተለያዩ የሌሎች ሰዎች አካላት ሲነካኩና ሲኮረኮሩ እንዲመለከቱ ተደርጓል ነው የተባለው።

ከዚህም ሌላ ቀልዶችና አስቂ ቪዲዮዎችን እንዲያዩ መደረጋቸውን እና ለእነዚህ መረጃዎች ያሳዩት ምላሽ ተመሳሳይ መሆኑ ታውቋል።

ሴትዮዋ ለዚሁ ሙከራ ፈቀደኛ የሆኑ ሰዎችን የሚያውቋቸው፣ የሚኮረኮሩ ሰዎች ፊት ለፊት የሚያዩ እና የራሳቸውን ቪዲዩ እየተኮረከሩ ባዩበት ጊዜ የሳቅ ስሜታቸው ከፍ እንዳለ ነው ተመራማሪዎቹ የገለጹት።

በዚህም በቲሲ ክስተት ላይ ‘‘ሚረር ኒውሮንስ’’ የተባሉት ነርቮች አዕምሮቸው የሌሎችን ስሜት የራሳቸው አድርጎ እንዲረዱት በማድረግ ከሌሎች ሰዎች ለየት ያደረጋቸው መሆኑን ነው ዘገባው የሚያስረዳው።

የቲሲ ገጠመኝ ከ1 ነጥብ 6 እስከ 2 ነጥብ 5 በመቶ ያህል በሌሎች ጤናማ ሰዎች ላይ የሚነጸባርቅ መሆኑንም ጥናቱ ጠቁሟል።

 

 

 

 

 

ምንጭ፦odditycentral.com

የተተረጎመውና የተጫነው፦ በእንቻለው ታደሰ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram